عزيزاتي بدخل فالسالفه على طول أختي متزوجه وتعاني من عمتها الله يهديها انسانه متسلطه وتحب تتحكم ف كل شي وتحب تبين للناس ان هي الى كلمتها تمشي وهم فيهم افكار غريبه مااعرف كيف اخبركن يعني مثلا اختي يوم احملت اول الحمل كانت تقول لولدها اكلها بيض واختي ما تحب البيض وريلها ماله شخصيه ابداااا جدام امه وسار لاختي وقالها لازم تاكلينه قالت ما احب ريحته قسم بالله يا خواتي سوالها سالفه وكبرها وزعل وسار عند حضن امه واهي سكتت …. ومن هذي التصرفات ارتفع ضغطها منهم وطرحت فالشهر 3 فديتها 
وحملت ومره ثانيه واصطلب ريلها وودر هالحركات السخيفه الى امه تسويها والحمدالله ربت وقامت بالسلامه واذا بيروحوا مكان لازم تطلب شي او تروح معاهم يعني خصوصيه ماشي وطبعاا تاخذ بناتها على حسب اذا السياره كبيره خذتهن كلهن واذاسياره صغيره خذت الصغار .. اختى طفرت منها صارت عصبيه منها واهي تدرس حتى ف تربيه ولد ولدها كانت اختى ما مطمئنه لها وقالت بجرب اخلي ولدي عندهاجم يوم وتخيلو يابنات يوم ترجع تحصل الولد تعبانه ما كانت تعطيه حليب لانها ما تحب تعطي اليهال حليب المعلب لازم طبيعي ولا تلبسه بامبرز لانه مب زين ف نظرها وسارت اختي وخلت ولدها عند امايه الحين والحمدالله امايه مهتمه فيه ..بس عمتها ماعرف ليش جيه تتصرف حتى فمطبخ اختى من تشتري شي سارت وخذته وعطته بناتها اذا شافت شي عندها قالت شلوني بروح اخذ شراتكم … وتقعد تفتش ف اغراض اختى فغيابها … مع ان ريلها ما مقصر عليها …. وتقعد تطلب منهم بيزات وعقب اي ريلها يقولها والله اتحملي انا ماعندي يوم تقوله اختى عيل ليش يوم اهلك يطلبونك تروح تسوي ماتقولهم ماعندي يقول لانهم اهلى وانتي زوجتي لازم تتحملين
ودايماا جيه يوم امه اطلب يركض يسويلها اما اختى لا اتحملي واذا قالت اهلك قالها انتي ما تحبينهم واهم مساكين مع انه امه ما تسويله سالفه ولاغيه شخصيته جدام اخوانه الصغار والله رغم هذا بعدها امه وانت عقب يا زوجتي ….. والمشكله اختى كذا مره قالت لعمتها انتوا ما يخصكم فيني ولا ف ولدي واهي جنها ما تسمع شي ودايم هالتحكم وانا اعرف الغلط من زوجها لانه عاطي امه سالفه والمفروض يفصل بين امه وزوجته ولا وحده تتدخل فالثانيه وبعد المشكله اهو يشوف ان امه اذا قالت شي عن زوجته فهي تقول من باب الحب والحرص عليها اما اختي اذا قالت شي قالها انتي ما تحبينهم ولاشي حتى لو قالت انا مابروح وياكم رحله قالها انتي ما تحبينهم وانتي مغروره وشايفه نفسج عليهم واهو كله يسير واييلس عن اهله وما بييها غير الليل ولا باقي الوقت عند اهله واذا قالت تعال اقعد عندي وتسويله سويتات قالها انسير عند اهلى احسن بنيلس مع بعض جماعه … وامه ماشاء الله عليها اخبار الناس عندها وتحش فالناس وماتخلي حد فعاله اهم يسمعونها …حتى اذا اختي تبا تروح تشتري اغراض لازم تخبره قبلها بجم يوم اما امه اذا قالتله قم انسير الحين سيده سار .. واذا قالتله اختى ليش جيه اتسوي يضحك ويسكت مايعرف شو يرد والله تولي احس ان امه ساحرتنه
واكبر مشكله هي انه يسير يسمع شو تقول امه ويرجع يامر على زوجته تسوي هالشي على اساس اهو يبا هالشي واهي تعرف رمست امه ورمسته … اختى بتتخبل منه وماعرفه شلون تتصرف وكل شي عنده اهله واهله
وبعد اكبر مشكله يوم يصير جدال امبينهم اذا ردت عصب وقالها انتي مسترجله تبين تكونين ريال فالبيت واذا سكتت وما ردت قالها انتي مطنشتني وما تسوين سالفه لي… يعني بين نارين شو الحل يا عزيزاتي مع زوجها وامه الله يهديهم ؟؟؟؟؟؟ بليززز ساعدوني
خليها تطلع بيت بروحها صدقيني بترتاااااااااااح وايد
بس والله لو انها عمتي جان ذبحتها من زمان ههههههههههههه
لو مكانها بدفنهم الاثنين رباعه عمتها وريلها خخخخ اسولف فديتج ^^
لازم يعرف ان كل حد له حقوق
بصراحه الريال اللي شوره عند اهله
صعب العيشه معاه
الحل يا انها تظهر في بيت اتبروحها يا انها اتكلمه واتقوله بكل اللي فيخاطرها بهدووووء تام
وربي يصلح من بينهم
انا امي ريلي جيه اذا عرفت شاريه شي تلبق بس اذا ريلي يشتري حقه تستانس
ما يبون الحرمه تصرف من بيزات ولدهم ولا جنه في الدين غصب عنه الريال يصرف على الحرمه
صدقني اكثر امهات الريل جيه
بس انا مستحمله اقول اذا قطعت ريلي عن امه اللحين باجر عيالي بيكبرون وحريمهم ما بيتحملوني
خلها تتحمل والله ما يضيع صبر حد
حبيباتي هي بالعكس ما تكرهااا بس يوم تقوله انا وانت لنا حياتنا الخاصه امك لازم ما تتدخل فيها شرات ما انا ما ادخل يعصب واخر فتره صارت اعصابها ماشدوده وما تتحمل كل ما يقولها شي تقوله كلام امك يمشي عليك مب علي وسالفه تطلع بيت بروحها مب راضي ابداااا لان امه تقوله اتريا من الحكومه هي بتعطيك وبيتي عود يضمك ويضم عيالك هههههه اختى انهارت هههههه فديتها والله ( شر البليه ما يضحك )
وحتى لو تحاول اتكلم مايرضي بالهداوه وبالعصبيه وما يفيده ….. بس والله صج حرام عليها وعلى ولدها المفروض الواحد يوم يتزوج يحافظ عالبنت الي خلت اهلها واختارت تكمل حياتها وياه وبر الوالدين مب لدرجه التحكم السيطره
الله يكون ف عون اختي ويصبرها ان شاء الله
الواقع تصبر وما شي مثل السياسه تسايس زوجها واهله وتخلي الكل يحبها وتكسبهم في النهايه الكل بيحبها وبيسون المستحيل على شان رضاها يعني تتخيلها امها وهييل خواتها انا معاها تحس بضيق بس تضغط على نفسها عشان ترضي الطرفين وتكسب العايله كلها والله يصبرها ويالف بين قلوبهم .