اشحالكم كروشات وبنوتات ..^^.. ؟؟
عساكم طيبين يارب .. ^.*..
بخبركم قصتي اللي هب عارفه شو سالفتها ..
يوم الإثنين رحت عند الدكتوره ميسون تفحص سريري ..
ويوم فحصت قالت ما شالله 2 سانتي مفتوح .. قالتلي حاولي تمشين وااايد وان شا الله وبإذن الله اتربين ها اليومين ..
فليل ع الساعه 11 بدا ايني ويع يروح ويرد ..
فا يو قوم امي ورحنا المستشفى وسولي تخطيط وقالولي انه في الم وفي طلق .. !!..
تبون دخلوها ال أدمشن .. قلنا اذا تويعت زياده بنرد واكون في البيت احسن ..
رديت البيت ورقدت لكن اليوم اللي عقبه ما حسيت بشي موووووووووووول ..
لكن من العصر ع الساعه 5 رد الويع .. وكان كل 10 دقايق ايني ..
رحنا المستشفى وفحصت قالت 2 سانتي مفتوح لكن راس البيبي واايد نازل حتى عنق الرحم قصر ..
وسولي تخطيط تخيلوو اول شي كان يوصل 60 وعقب 90 وعقب وصل 100 و100 ..
فا قالو لازم اندخلج ال أدمشن ..طبعا دخلنا وكنت انا وامي وريلي وعمتي وعمتي وخالتي هع ..
تخيلوو حطوني بجمعيه .. وقالو بس وحده اتكون وياها .. فا امي دخلت ..
سكتنا وما قلنا شي دخلنا وانا طحت ويت الحرمه تفحص نبض البيبي والا ما نسمع نخير شايل الغرفه خخخ ..
وعقب قلت بروح الحمام ويوم سرت تخيلي الحمام بكبره خااايس ماي وما في ماي في الرشاش كيف عزكم الله الواحد يتغسل .. >.<
امي ما عيبها الوضع قالت اللحين شو بيسون لج بيخلونج بس طايحه هني!!.
زقرنا مستشاره وقالت لا ما يصير تطلع وخصوصا هي بجر وجي قالت امي انا اللي بوقع وعلى مسؤلييتي ..
المهم يا ريلي وتفاهمو وظهرنا .. ورقدت عند امي .. واليوم اللي عقبه تخيلوو مافي الم ومافي شي ..
ولين اليوم ما احس بشي غير الم في الظهر ..!!…
شو السالفه ؟؟؟!!!.. فهموني تراني بجر وماعرف شي .. !!!
انا كنت نفس حالت في ولدي البكر وكان مفتوح 3 سم وما كنت جاهزة للولاده كانت قبل المواعيد قلت للدكتورة خليني ارجع البيت واجي رفضت ارجع
وفضلت في المستشفي مافيني اي شئ زاد نفس الحاله من الساعه 3 ظهر لين المغرب اعطوني حبه وبعدها علي طول فتح 7 ودخلوني غرفه الولاده
الحبه يخيل لي كانت طلق صناعي
مع انه يقولو حار لكن في ولادتي التانيه ولدت وجاني طلق طبيعي نفس الالم مافي فرق
الطلق الصناعي لحظات وتولدي افضل لك من تتالمي كم يوم
انا عندي بنت خالتي
تتالم كم يوم
الرحم علي 3 مازاد اعطوها صناعي مرتين ما نفع
في الاخر ولدوها قيصري بعد شافت الويل
قولي ليها تعطيك صناعي واخلصي
وسبحي بماي حار يعني خلج جاهزه لاي وقت ولاده …
لان انا في بجري صارتلي نفس اعراضج وكان ماشاء الله والله واكبر ع الدكتوره تقولي 4 سانتي ومافيج ويع
لان رحمي ع قولتهم تخين ماشاء الله وقالتلي يومين بتربي بس انا تميت اسبوع وولدت بالسلامه ربي يحفظه …
اتوكلي ع ربج ومتى ماشاء الله بتشوفين عنونج حبوبه …
هذا من ناحيتي والله اعلم حبيت اطمنج …
مادري والله بس الدكتوره قالتلي انتي في مرحله ولاده ..!.!.. ولكن ما صار شي ..
المشاركة الأصلية كتبت بواسطة * LALO * 
وسبحي بماي حار يعني خلج جاهزه لاي وقت ولاده …
لان انا في بجري صارتلي نفس اعراضج وكان ماشاء الله والله واكبر ع الدكتوره تقولي 4 سانتي ومافيج ويع
لان رحمي ع قولتهم تخين ماشاء الله وقالتلي يومين بتربي بس انا تميت اسبوع وولدت بالسلامه ربي يحفظه …
اتوكلي ع ربج ومتى ماشاء الله بتشوفين عنونج حبوبه …
هذا من ناحيتي والله اعلم حبيت اطمنج …
ان شالله بسوي اللي تقولين عنه ..^^..
ربي يحفظج ويعطيج العافيه ..
وان شا الله اجوف النونو جريب ..
وما شــــا الله عليج .. ربي يحفظج .. 
جربي تتسبحين بماي دافي … يقولون اذا زاد الويع يعني طلق صدقي …
والله يعينج ويعيننا ..