عندي سؤال
انا ولدي درس المنهج الامريكي وحاليا بيسير صف خامس وبغيت انقله من مدرسته
المدرسه اللي بنقله لها منهجهم بريطاني
اللي عندها فكره تخبرني المناهج هاي تأثر على دراسته مسقبلا من حيث اختيار الجامعات
او الدراسه عموما
فيه فرق بينهم
؟؟؟؟
ارجو الافاده واكون شاكره
هيي نعم اختي في فرق وااايد … المنهج الامريكي اشمل فب المواد و بعد هذا المنهج يعتمد على المدرسه في مدارس ادرس كل المواد وفي منهم اختياري؟؟ اما البريطاني فهو وايد صعب و الافضل ان الطالب نفسه يختار اي منهج و الافضل ايكون اختيار الطالب المنهج اللي يناسبه حسب قدراته و انسب مرحله ان يختار الاعداديه في هاي الفتره هو بيعرف ميوله بس على فكره المنهج البريطاني اقوى و واايد صعب اذا دخلتيه من الحين يمكن ايكون اسهل عليه اجتياز اللفيلات البريطانيه المطلوبه منه في المراحل الدراسيه الاخيرة … اما المنهج الامريكي قوي بعد و اهتمامه بتنمية القدرات و يطلب منه في الثانويه الامتحانات الدولية SAT wTOEFL و طبعا كل الجامعات الامريكية تقبل المنهج الامريكي و البريطاني المطلوب اهو الامتحانات الدولية اللي اتهلم للقبول … طبعا الاختيار الاول و الاخير يعتمد على قدرات الطالب و ميوله و الله يوفقه ان شالله .. و ان شالله اكون افدتج 
المشاركة الأصلية كتبت بواسطة papillon.2 
هيي نعم اختي في فرق وااايد … المنهج الامريكي اشمل فب المواد و بعد هذا المنهج يعتمد على المدرسه في مدارس ادرس كل المواد وفي منهم اختياري؟؟ اما البريطاني فهو وايد صعب و الافضل ان الطالب نفسه يختار اي منهج و الافضل ايكون اختيار الطالب المنهج اللي يناسبه حسب قدراته و انسب مرحله ان يختار الاعداديه في هاي الفتره هو بيعرف ميوله بس على فكره المنهج البريطاني اقوى و واايد صعب اذا دخلتيه من الحين يمكن ايكون اسهل عليه اجتياز اللفيلات البريطانيه المطلوبه منه في المراحل الدراسيه الاخيرة … اما المنهج الامريكي قوي بعد و اهتمامه بتنمية القدرات و يطلب منه في الثانويه الامتحانات الدولية SAT wTOEFL و طبعا كل الجامعات الامريكية تقبل المنهج الامريكي و البريطاني المطلوب اهو الامتحانات الدولية اللي اتهلم للقبول … طبعا الاختيار الاول و الاخير يعتمد على قدرات الطالب و ميوله و الله يوفقه ان شالله .. و ان شالله اكون افدتج
فديتج والله على هالمعلومات
لانا سألنا المسؤله ( في مدرسه رويال الخاصه ) شو الفرق
قالت ما شي فرق
على فكره ولدي ما اخاف عليه لانه دايما يطلع الاول على كل صفوف مرحلته
بس بعد ما ابغي اضغط عليه
والاسبوع الياي عند ه اختبار قبول في هالمدرسه من الاسئله بنعرف الفرق
ان شاء الله
تسلمين يا قمر