شو الفرق يا خبيرات ويا مشرفات الطبخ ؟! 2024.

هلا مشرفات وخبيرات الطبخ بغيت اسألكن شو هو بيكربونات الصودا وشو الفرق ما بين بيكربونات الصودا وبيكن باودر مب نفس الشي وبعض الاحيان في المقادير تنذكر بيكربونات الصودا والبيكن باودر فهل نكتفي ببكن باودر
وكيف شكل علبة البيكربونات الصودا
وشكرا
وانتظر جوابكن

في فرق هذا غير وهذاك غير .. في بعضهن علبهن تتشابه عشان جي اقري الاسم قبل لا تاخذين .. واذا مطلوب في المقادير تستخدمين الاثنين لازم تحطينهم هم الاثنين لأنهم مب نفس الشي ..

مرحبا الغالية

فيه فرق حبوبة بين الاثنين

(1) البيكنج باودر: يستخدم في الكيكات و أنواع الحلويات المختلفة لأته فيه خاصية الرفع.

(2) بيكربونات الصوديوم / او يسمونه أحيانا البيكنج صودا: وهي مادة قلوية وتستخدم في حاله لو العجينة بها مواد حمضية مثل الزبادي عشان تسوي تعادل بين الحمضي والقلوي… بس البيكنج صودا يعطي لون أغمق مقارنة بالبيكنج باودر. و على فكرة بيكربونات الصوديوم مب بس للطبخ على عكس البيكنج باودر (اللي بس يستخدمونه في الطبخ و بس مع المعجنات و الحلويات عموما)… بس بالنسبة لبيكربونات الصوديوم تقدرين تستخدمينه في بعض خلطات البشرة.. و لتنظيف الخضار و الفواكه و انتي بكرامة لتنظيف الحمام (تحطينه في المكان اللي فيه سواد و تصبين عليه خل الليمون ولاحظي التفاعل الفوري و تخلينه شوي و عقب تيبين ليفة و هات يا عج خخخخخ)

وحطي في بالج هالمعلومة: ما يضر تحطين الاثنين .. و ما يضر تحطين واحد بدال الثاني لللللللللللكككككككككككن حطي فب بالج انج ما تقدرين تستبدلين البيكنج صودا بالبيكنج باودر فانتبهي.. …

ومايضر لو استخدمتي الاثنين مع بعض… لأن اذا كان استخدام الاثنين موجود في مكونات العجينة (مثلا) فهذا معناه ان اللي سوا الطبخة يبغي يسوي توازن بين المكونات الحمضية و القلوية..

اسمحيلي لأني طولت عليج.. بس حبيت أوضحلج الفرق بشكل تفصيلي..و أنا في رسم الخدمة لأي استفسار ^_^

بيكربونات الصوديوم يوم تشوفينه تقولين ملح

هذي صورته

مشكورات فددديييتكن حبايبي على الردود بس عزيزتي ro0o0osa الصورة ما ظهرت

هذي هي ويا بييكنج باودر

ما قصرن الخوات

وما قصرت البطه بالشرح