اليوم حبيت اطرح موضوع للنقاش…واللي خلاني اكتبه …مشاكل بعض المتزوجات؟؟
لو خيروج بين انه يتزوج ريلج عليج ..او يمشي في طريج الحرام ..(أقصد الزنا)….شو بتختارين؟؟؟
أنا سألني هالسؤال واحد من الاهل اتعرفون شو رديت عليه؟؟؟ وبكل ثقه يمشي في الحرام ..
ايه ولله اهون عليا من انه ياخذ علي وحده تذبحني وتقهرني طول العمر؟؟ وبعدين الحرام هو بيتحمل ذنبه مش أنا 
)
ماعرف يمكن انا غيوره زياده عن اللزوم؟؟
شو رايكن بنات؟؟
الزواج حلال و ستر
و عفه
الحرام يتبعه حرام
زنا ويا وحده بيزني و يا عشر
و ان سار في طريق الحرام خلاص دمر
من شرب و سكر و حفلات و بطاله
لكن الشرع حلله 4
بس هذا في حالة خيرووووووووووووني
مب اني راظيه اني لو كنت متزوجه يتزوج عليه ) :
استغفر الله،، شو الحرام،، كيف انتِ ما بتتحملين الذنب ويااااه،، على الأقل فكري فيه هوووه هذا مب شخص من الشارع ما يخصج فيه، حتى لو كان بسوي شي يقهرج فيه بس لازم تفكرين إنه طريج المعصية مب سهل.. فكري بربج قبل، تشوفين شخص يعصيه وتسكتين عنه وتشجعينه ، عبالج الذنب له هو بس، حتى انتِ طالما انج تدرين انه بيروح لوحدة بالحرام وساكته عنه وتقولين اهون من الحلال… 
أنا بصراحة بالنسبة لي يتزوج الثانية بالحلال ولا انه اييب الحرام لعيشتنا وبيتنا وامراض ومشاكل وسمعة وكلام ناس وحتى الأضرار اللي بتواجه المجتمع اللي عايشين فيه.. ويمكن توصل للطلاق ومصايب.
الواحد يفكر بعقله مب عواطفه وقلبه….
وسلامتج
اول شي : الأولى بتمـ المميزة أكثر عن الثانية ,,
ثاني شي: أحسن ياخذ بالحلال وأحترق طول عمري وولا يسير يزني يعديني بالإيدز طول عمري (( يعني تتوقف حياتي في الحجر الصحي))
.
.
.
انا عن نفسي ما ارضى اخليه يروح طريق الحرام وطبعا طريق الحرام قصير وايد
اذا بيتزوج الثانية ارحم بوايد لكن مايتوقع اكون له قلب مفتوح مثل قبل بكون شي ثاني
لانه فضل علي وحدة وانا بكون شراته ما ببالي به …
تحياتي لكم ….
المشاركة الأصلية كتبت بواسطة قنيصة شوا&ـين 
اول شي : الأولى بتمـ المميزة أكثر عن الثانية ,,
ثاني شي: أحسن ياخذ بالحلال وأحترق طول عمري وولا يسير يزني يعديني بالإيدز طول عمري (( يعني تتوقف حياتي في الحجر الصحي))
.
.
.
مع رأي الأخت مية بالمية
لكن لو جد وانا الصراحة لو جد ما بختار ولا واحد من الاختيارين وبما ان الاختيار في يدي يمكن برد بيت اهلي
بس عاد لانج خيرتينا وعلى اعتبار مافي غير هالحلين
اكيد بختار يتزوج بالحلال
لانه الحرمه دايما تحب زوجها ومستحيل تحب له الاثم او تكون هي اللي ساعدته انه يروح فيه
وبعدين الزنا والعياذ بالله احس انه صاحبه شخصيته بتكون مشوهه طول العمر
يعني لا اخلاقيات ولا معامله ولا عشره ولا شي يكون فيه
ومستحيل شي يرده لي
بيكون قلبه مشغول بشي انا ما اقدر اني افهمه ليش هو مب زين
واللي هو الزنا مثل ما قلتي (( يعني كيف افهمه انه اللي يسويه غلط)) والا ليش عاد انا اباه
:
:
اذا هو مب خايف من ربه بيكون فيه خير لي ؟؟
لهالسبب افضل اني انقهر واحاول اسعى انا للحل اللي في نظري انه صعب وحتى لو يبت المشاكل لنفسي ولا اني اييب الاثم لي ولزوجي
واقول ياليت اللي جرى ما كان
والسموحة ^_^