شو رايكم بمستشفى القاسمي بصراحة 2024.

السلام عليكم

انا قبل جربت مستشفى دبي و بصراحة اوكي بس المشكلة بعيد علي و اقرب شي لي مستشفى القاسمي

ممكن وحدة تفيدني شو رايكم ب :

1- المراجعة في مستشفى القاسمي ! الدكاترة و المواعيد
2- الولادة فيها هل الدكتورة تولدج و كيف خياطتهم و ها الامور و كيف تعامل السسترات في الغرف

اتريى ردكم لو سمحتوا خواتي

انا ما جربت لاني بجريه بس ناويه أولد فيها
المراجعات كلها في عيادة الأمومة والطفولة لين الشهر الثامن عقب يحولونج ع القاسمي وطبعا هالعيادة جدييمه وزحمة وكلها وافدات وهنود وتطعيم يهال وحشره يعني لوعة جبد!
رباعتي اللي مجربين الولادة في القاسمي يمدحونها ويقولون تعاملهم اوكي ويساعدونج وايد اما الغرف عادية يعني..
الحين المفروض يفتحون مستشفى الولادة اليديده على شهر 5 او6 وشكلها راقية ومتطوره يارب نلحق عليها اذا ما تأجل الافتتاح كالعادة

انا ربيت فيه مرتين والحمدلله كل شيء اوك وتعاملهم فوق الممتاز والسسترات حبوبات وهم الي ايولدون اذا طبيعي ويصبرون عالوحده لين ما اتربي والخياطه على حسب الي بتخيطج اول مره ما حبيت الي اتخيطني وكانت اتنازعني يوم اسكر ريولي بس المره الثانيه كانت هنديه وكانت طيوبه بس للامانه مافي احسن منهم وقسم الولاده وايد طوروها الحين ،، شكلي قلت قصتي خخخخ

بكم الولاده فيه
وهل المستشفي نظيف ؟؟

موفقة يارب