شو رايكم في البنات إلي يسوقن؟ 2024.

امي تخاف عليه من كلامهم..

تدرون خواتي ..اني انا واختي البنات الوحيدااااااااات من بين اقاربي إلي دخلنا الجامعة وخلصنا ؟؟واختي الحين ماشاءالله تشتغل..وهذا الشي عند اقاربي وااااااااااااااو اكبر معصية ..

كل بنات اقاربنا من يخلصون الثانوية يلا على طوووول عرس!! ..تحلــــــــــــــم تسوي ثلاث اشياء حرااااااااااااام عندهم ..إلي هو :
1- دراسة في جامعة او كلية .
2-الشغل.
3- سواقة سيارة.

(حتى بعد ما تتزوج)
ياويلها إلي اتسوي جذيه…..البنت عندهم لازم على طووووووول زواااااااج بعد الثانوية (بعد زيييييييين خلوا بناتهم يدرسون مدرسة)

والله العظيم ما اجذب عليكم بتستغربون انه فيه ناس جذيه موجودين لين الحين في الامارات ..بس هذا واقع..

وعائلتي هي الوحيدة إلي سارت عكس تيارهم ..احنا بنسبة لهم فــــــــــري ..وايد وايد بعد…

وتدرون شو؟ ماكلينا اكل ..يرمسون من ورانا ..

عشان جذيه امي ما تباني اسوق تخاف ياكلوني برمستهم ..وساعات يألفون علينا كلام والحمدلله الكل يشهد احتشامنا و تربيتنا ..ما احب امدح عمري بس الحمدلله عاقلة ..

شو رايكم انه يوم كنت ادرس في الجامعة عمي كان دوم ايزورنا يقول ابغي ارمسج .. ويقعد يقنعني اطلع من الجامعة لانه على قولته إلي اسويه "حرام" ؟!؟! مع انه ابويه فديته يضحك عليه ايقوله شو هالرمسه؟

أبوي ايقولي لو تشتغلين مذيعة عادي عندي(لانه تخصصي إعلام) ههههههه ابوي عكسه عكســـــــــه

ويوم اتخرجت بعد مااااااصدق عمي ياني يكلمني.. انا قلت بيباركلي…طلع ياي يحذرني ..يقولي : تحمممممممممممملي تفكرين تشتغلين ..فاهمه؟؟ لو حتى بتلبسين نقاب في الشغل ..البنات اول ما يشتغلن يكونون ملتزمات ..بعدين يختربن ؟!؟؟!

شوفوا انتوا هالتفكير!!!!!!!!!!

مااااااااااايبانا نشتغل ولا نسوي شي ..

ويوم نقعد مع بناته …دائما يحسسونا انه مسوين غلط كبيييييييير ..يعني عندهم كل شي منقود وعيب .. والله يابنات تفكيرهم بداااااااائي ومتخلف والمشكلة انهم يشوفون انهم صح واحنا خطا

والله اختي تشتغل من ورااااااااه لو يدري ما ادري شو بيقوول

والحين انا باخذ الليسن ؟؟ الله يعين ..عنده انا "كافرة" خلاص..

هو متدين بس بصراحة تدينه ما يعجبني ابدا ..ما اسميه تدين ابدا هذا تخللللللللللللف

والله يالتنا في امارة ثانية بعيد عنـــــــهم ..احنا المشكلة عايشين في حي كل اهلنا فيه ..ولو سويت اي شي بيعرفون..وبيرمسون..