بما انه نحن في فصل الشتاء وتونا في شهر 1 وتوها 2024 باديه شو رايكم نبدأ في حمله لتغيير حياتنا ""للأحسن ""
عشان نغير الاكتئاب والملل والروتين ..
1. اسم الله نبدأ ..
2. تشترين كتاب حلو تقرينه في اوقات فراغج بس يكون كتاب ممتع مثل كتاب "" كيف تستمتع بحياتك "" كتاب الدكتور محمد العريفي او الخ من الكتب الممتعه .. يعني تروحين المكتبه وتشوفين الكتب اليديده وتاخذين كتاب ممتع تغيرين فيه الروتين في اوقت الفراغ ..
3. ممكن تشتركين في جيم وتروحين مرتين فلاسبوع عشان ما تملين او تتكاسلين تروحين .. تشتركين مع جيم رياضة السباحه ..
حتى لو ما تقدرين تشتكرين فلجيم ممكن تمشين نص ساعه يوميا من بعد صلاة المغرب الا صلاة العشا او بعد صلاة العشا عل طول لانه الحين ياذن العشا فوقت اوكي .. واستغلو هلفرصه لا تضيعونها
4 . تخصصين يوم فلاسبوع تحافضين فيه على شعرج تحطين له زيوت وتحطين ماسك على ويهج وخيار على عيونج اسبوعيا يوم واحد وتقصين اضافرج وتحطين كريم على ريولج لا تبالغون كل يوم يوم فلاسبوع ههههههه ..
5 . اتابعون برنامج نص ساعه او فقره اتحبونها فلتلفزيون او فليوتيوب
6. تتعلمين لغه انجليزيه او فرنسيه او المانيه او اي لغه فبالج تتعلمينها وتخلين الكورس مب يوميا يوم فلاسبوع عشان ما تملون وتحسون انه الجدول زحمه ..
7 . ممكن تسوون برنامج لصلة الرحم خاصه فلشتا وانتوا تعلفون اجرها عند الله كبير .. مثلا هلجمعه زوري يدتج وعقبها خالتج وعقبها عمتج مب لازم اطولين فلزياره اهم شي صلة الرحم ولو تروحين انتي واهلج احسن .تاخذين اجر الزياره 
8. ممكن تزورين مريض وتاخذين اجر ..
9 . فهلايام الخفيفه والبارده ممكن تصومين وتكونين لله اقرب اختاري يومين فلشهر وصومي مب لازم تضغطين نفسج اهم شي النيه واهم شي العزيمه ..
10 . اذا كنتي ما تسوين اشغال يدويه ممكن تغيرين هلشتا الروتين وتروحين دورة خياطه او تروحين ورش عمال تناسبج وادورين ورش تصوير ورسم وغيره ..
11. في ناس عندهم هوايات البيع ممكن تسوين بزنس بس موسمي يعني تختارين شي تبيعينه لمدة شهر بس .. لانه هوايه بلنسبه لج وتغيير فنفس الوقت هلتجربه ما بتنسينها ..
12. ممكن تروحين مركز تحفيظ قرأن وتحفظين لو سورة البقره كامله في هلشتا
في وايد طرق خواتي وافكار واي وحده عندها اي فكره تشاركنا واتمنى الكل يستفيد
سويتها كلها خلال خمس سنوات ومافدني شي
رحت مركز رياضة ثلاث مرات في الاسبوع بعدين سبع مرات
وبعدين مليت
رحت مركز قران سنه كاملة دراسية بس بعدين مليت
حاولت اتعلم اشياء يدوية بس مافلحت
قريت كتب عندي كراتين وماستفدت
حاولت اعتني بشعري وبجسمي رحت في الصالونات كل اسبوع مرة او مرتين
مانفع
شو اقول بس
هي مشكلة انا كل واحد وبيئته وحالته النفسية
تسلمين على الطرح حبوبه
المشكله أني من استقلت أحاول أرفه عن عمري بأي طريقه بس ماشي فايده
ف خاطري اتفرغ وارتاح اشوي
واتعلم لي شي يديد واغير الروتين الممل
الكتاب من كثر قارية كتب ابغي تغيير ثاني ههههههههههههههه
و الجم ذكرتيني ارد له لانني من عقب ما رديت من الحج ما سرت عسب العملية و الحين
الدكتورة قالت عادي ارد للسباحه (_ رياضة ) بس البس نظارات لان الكلور مضر للعيون
عقب العملية
و المشي قد الامكان و لله الحمد
والله يقدرني و استمر على طووول
لان مرات الكسل يمنعني امشي
ويهي مب مقصرة فيه هههه و بخبرج ماسك رهييب
اعرف بطلع من الموضوع و بحوله للبشرة
تغسلين ويهج عدل مدل و تحطين عليه فوظه دافئة لمدة ثواني
تيبين عسل طبيعي طبيعي
تحطين عليه ملعقة صغيرة حليب دافي ( ممكن تذوبين نيدو في شوي ماي حار )
تحطين على ويهج و تحت عيونج كمن طبقة لانها رقيقة تقريبا
و تتمين 20 دقيقة و عقب تغسلينه بماي دافي
كرريه مرتين بالاسبوع و مرة
عقب ما تغسلين ويهج حطي فوطة دافية على ويهج ( سخني الفوطة بماي حار )
عقب اخلطي عسل ملعقة صغيرة مع شوية بودر اللوز ( بيذام ) و تمي دلكي ويههج
و غسليه
و لا تنسين تدعين لي لانج بتشوفين نتايج روووعة باذن الله
و لكن شعري مولية ما اهتم فيه اللهم مرة حمام كريم و احط لوشن و بس
مع انه محتاج عناية بس يحليله دوم انساه
و فكرة زيارة الارحام رووعه دام الصبح فاضية لازم ابتدي جديا ازور الاهل
و الصيام بعد راائع بس انا كسولة 
و كل الافكار روعة شراتج
حلو الواحد يستغل وقته بشي مفيد
ان شاءالله ببدا احاول اطبق
مشكورة