شحالكن خواتي الكشيّخات والأنيقات ؟ 
عندنا عرس بعد اسبوعين تقريباً و محتاره في ستايل المكياج لني مب مقتنعه في لون الفستان احس اتوهقت فيه و ابغي الميكب يغطي شوي !
الفستان لونه بنفسجي غاامج بيلياني (باذنجاني خخخ) و القطعة مخمل و قصة الفستان امخصره و انا ضعيفونه واحس هالالوان الغامجة تضعفني اكثر 
احب الفواتح شرات الوردي بدرجاته و التركوازي و البطيخي وهالالوان بس خلاص ماخذه الفستان من فتره و ماروم اغير
المهم الحين موضوعنا عن الميكب .. انا بيضا و ملامحي ناعمه و عيوني لوزيّه مب صغار ولا وساع وايد يعني وسط و متعوده احط ميكب خفيف و رسمة العين تكون مسكّره و ما قد سويت الرسمة المفتوحة من برع ولا من داخل
اليوم سويت سيرج في النت و حصلت ستايل وايد عيبني و حسيت انه يناسب الفستان بس متردده و قلت براويكن الصور :
شوو رايكن اغامر و اجرب هالستايل ؟!
ولا اتم على ستايلي اللي متعوده عليه (الرسمة المسكّره) ؟ بس فخاطري شكلي يتغير شوي
لانه لكل عين رسمة تحليها^_^
شوفي الماكيره اللي بتسويلج افضل هي على دراية اكثر
والسموحه
لانه اهم شي تطلع العين حلوه ولها نظره بس اهم شي تحصلين اللي تضبطلج اياه
وحياج