شو رياكن بنات هل تحادثين شابا بهدف الزواج وهل؟ 2024.

بنات شو رايكن اناقشكن في موضوع البنات الي يتكلمون ويا الشباب يعني في وحدة تقول انا خطبني الشاب الفلاني وبيتزوجني ( يعني كلمها وكلمته وسوالف على التيلفونات ومن غير اهاليهم مايدرون بشيىء )وهدفهم الزواج يعني هل تعتقدون ان البنت الي تكلم الشاب قبل اي خطوة رسمية وشرعية بتنجح في حياتها الزوجية معاه لانهن وايدات تزوجن بهذه الطريقة وبعد كم شهر او كم سنة تطلقن لان الثقة اصلا راح تكون معدومة من قبل الشاب في البنات من هذه النوعية ولا شو
رايكن؟ لان الي ترضى ترمس واحد قبل الزواج او الخطبة الرسمية وبامور خاصة وشخصية جدا وحوارات ساخنة ( محرمة ) وامور تافهة وشكلية من يثق فيها !!!! والاكيد انها مرمسه الف واحد قبله والف واحد وياه والف واحد بعده والشاب في حالة الحب الاعمى لهذه الفتاة سيتزوجها ولكن بعد يجتمعون تحت سقف واحد ويواجهون الحياة هني بيبتدي وهم الحب يتبخر مع اول العقبات والصعاب وبندم الشاب مليون مرة لكن بعد ان ينجبوا ابناء ويتركونهم ليكرروا ماساتهم ويرجه هني الشاب لراي اهله وهو مغمض ويطلب منهم انهم يخطبون له بنت الحلال الي تخاف ربها في السر والعلن و الصراحة براي ماشيى احسن عن الزواج التقليدىوحسب الشريعة الاسلامية وهذا راي الشخصي للقصص التي كانت حولي ومحاكم الدولة تثبت هذه الامور واحترامي لجميع الخوات

انا احيانا اشوف الزواج التقليدي احسن بس مب دايما..

الحين الشاب يوم بيقول حق اهله روحوا اخطبوا لي بنت الحلال.. هو شو ضمنه ان البنت اللي بيخطبها ما تكون مرمسة شباب؟؟!!!

طبعا ما اقصد كل البنات ..

يعتمد كيف كانت العلاقة من بينهم..

مثلا اخوي الله يهنيه.. تزوج عن طريق الحب .. كانت وياه في الدوام .. عيــبته .. وكلمها فترة بسيطة وراح خطبها.. والحمدلله متهنين وربي يدوم عليهم هالسعادة يارب ويبعد عنهم الحساد.. وصار لهم الحين 4 سنين بس الحمدلله لا هي تشك فيه ولا هو يشك فيها الثقة تووب…

والتوفيق حبيبتي كله من رب العالمين..

الغالية مب كل بنت اتكلم شاب مب زينه بالعكس في بنات كلموا شباب عن طريق الهاتف ولفترة طويلة وكان هدفهم الزواج ومب شرط اتكون امرمسه حد قبله المهم ايكون هدفهم في النهايه الزواج والله يهنيهم شي يرضي الله ورسوله

98% من البنات إلي يرمسن هدفهن الزواج…لكن الشباب لا تمضيه وقت بس

نسبة قلييييييييييله اللي يمر زواجهم بسلام بس وايدين فشلوو فيه..انا كم وحده اعرفها تزوجت عن حب بس للاسف تطلقت وبعد اعرف وحده عندها بنت وللحين عايشه بعذاااااب…الله يهدي الشباب والبنات ويستر عليهم..

ما يجوز أصلاً الوحدة اتكلم الشباب .. حتى لو بهدف الزواج ..

لو فعلاً يباها .. يخطبها علطول .. بدون ما يرمسها .. أصلاً ها الشئ ما يجوز و محرم شرعاً ..

أكثر الشباب يلعبون بعواطف البنات ها الأيام ..

البنت لازم ما تعطي مجال لأي واحد يكلمها .. و الريال لو فعلاً يباها و جاد .. عنده ألف طريقة يطلع عنوان البنت و يخطبها ..

اللي يبا بيي يدق الباب – الشباب هدفهم الأول التسلية مب الزواج وما أنصح أي وحدة تكلم شاب والله يهدي شبابنا وشاباتنا آميييين