اليوم كنت يالسة على المسنجر و طلعتلي ربيعتي اللي مهاجرة امريكا مع ريلها (يشتغل هناك الحين). هي حامل فكنت اسألها شو اللي ما تتحمله في الحمل. اتقوللي انه العطور ما اترشها خلاص وقفت. سألتها كيف ما اترشين. اتقول انه هي لاحظت انه الانجليز يوم يرشون العطر يرشونه جدامهم مب على عمارهم مثل ما نحن نسوي و السبب انه العطورات فيها الكوهول و يأثر على الجسم؟؟
المهم عقب شوي قالتلي انه هي استوت تستخدم كل شي اورجانك فبعد صدمتني لأنه وايد وايد وايد ناس الحين يشترون اشياء اورجانك. شو السالفة؟ ليش يعني اورجانك ابا افهم
و عقب قالتلي انه نحن عندنا لين سن ال 30 نكون عظامنا .. و هالمصيبة لأني انا ما اشرب حليب ..و دوم يوم اسير كارفور اشوف الحريم عند قسم نسكويك و الحليب يشترون الاشياء هاي ؟ شو احسن نوعية اشربها ؟
و السموووحة
بس بالنسبه للعظام لازم تشربين حليب بكل عمر وخاصه بمرحلة بناء العظام تحت العشرين
ولو ماشربتي حليب ممكن تعوضين بالتمر لان فيه نسبه عاليه من الكالسيوم
وعندج بودره اسمها هورليكس تحصلينها بكارفور منها بالقمح ومنها بالشوكليت تذوبينها مع الحليب فيها كالسيوم وايد وطعمها لذيذ
والكالسيوم موجود بعد بالاجبان والالبان و البيض طبعا
والناس هالايام تفكر وايد بالاورجانيك يعني العضوي بعيد عن المواد الكيماويه من سماد و مبيدات لانها اكيد فيها سموم ممكن تضرنا
وسلامتج
المشاركة الأصلية كتبت بواسطة UAEcat 
بس بالنسبه للعظام لازم تشربين حليب بكل عمر وخاصه بمرحلة بناء العظام تحت العشرين
ولو ماشربتي حليب ممكن تعوضين بالتمر لان فيه نسبه عاليه من الكالسيوم
وعندج بودره اسمها هورليكس تحصلينها بكارفور منها بالقمح ومنها بالشوكليت تذوبينها مع الحليب فيها كالسيوم وايد وطعمها لذيذ
والكالسيوم موجود بعد بالاجبان والالبان و البيض طبعا
والناس هالايام تفكر وايد بالاورجانيك يعني العضوي بعيد عن المواد الكيماويه من سماد و مبيدات لانها اكيد فيها سموم ممكن تضرنا
وسلامتج
مشكورة يا الغالية على هذي المعلومات ومشكورة بعد علشان عطيتينه بدائل عن الحليب والبيض لاني انا مول ما اقرب صوبهم