هل الدنيا اصلا جيه ولا انا فهمتها متأخره
فجأه يحصل زعل وخصومات مع بعض الخوات
العمات الخالات السلفات والحمايى وغيره وغيره
ليش شو لي صاير فجأه زعل ومقاطعه بدون اسباب
وفي النهايه شو اللي حصدناه من كل هذا
اتفاجأ من ناس كنت قريبه وايد منهم وللاسف
امر جدامهم واسلم ولا كأني موجوده ليش هالاسلوب
صدق الواحد بيتضايق وبحط في خاطره
حصل هالموقف من قبل رحت واعتذرت منها لكن
ما كنت انا الغلطانه ومع هذا اعتذرت ورجع الحال مثل قبل
هل هو كبر غيره ولا شو …
والله يهديها هالانسانه مفهمه زوجها عني اشيا ابدا موفيه
وتبين للناس انا الغلطانه وهي صح.. طب ليش هالشي
صار ما يسلم علينا ولا يتقبل اطفالي
يمكن انا حساسه وايد ما احب حد يزعلي مني
لكن هل يتعاملون بنفس الاسلوب
هذا حال الدنيا الحين
لو أنشغنا برضا الله ونصلح عيوبنا ولا نراقب الناس بكل صغيرة وكبيرة
ونتمتع بالرضا والمسامحة والعفوا كان حالنا أفضل بكثير
اللهم أرحمنا برحمتك ولا تجعل همنا ومبلغ علمنا الدنيا
طنشي بس خلج احسن عنهم وسلمي وسولفي ولا جنه شي صاير صدقيني الامور بتتحسن ان شاء الله
الله يهدي الجميع الدنيا صارت غربه
صعبه علي الواحد اذا ما بدر منه شي يتعامل بهذا الاسلوب
حتي لو سلمت جدام الكل عادي ما تعطيج وجهه
اطنش صح لكن ساعات يشغل تفكيري
الانسان يمر في حياته بمطبات كثيرة .. ولازم بصبره وحلمه يتخطاها
واعتبري هذا ابتلاء من رب العالمين
انت انسانة واثقة من نفسج .. واخلاقج, فليش تخلين غيرج ينكد عليج
طنشي ثم طنشي ثم طنشي .. وسوي اللي يرضي رب العالمين
اسعدي نفسج .. وتعاملي مع الناس بأخلاقج .. اذا هم أخلاقهم سيئة فلنفسهم
خليهم ينشروا بين الناس انج سيئة او … الخ
واحتسبي امرج لرب العباد ..
وحطي في بالج انهم ما شوهوا سمعتج او غيرت الناس عنج إلا لأنهم يغارون منج ..
وغيرتهم عمت قلوبهم .. وخلتهم يشهون صورتج بطريقتهم الخاصة
حطي في بالج هالمثل ( يا جبل ما يهزك ريح ) و ( واثق الخطى يمشي ملكاً ) و ( دع الكلاب تنبح )
الدعاء هذا وااايد يعيبني ( اللهم من أردا بي سوءاً أو كيدا فاجعل كيده في نحره )
اللهم يا جبار يا مزلزل الجبال ….