خواتي عندي ملاحظة على قسم الفتاة المسلمة … و ياريت من الخوات ينتبهون من هالشي و بالأخض مشرفات القسم… ياريت لو تراقبون هالشي و توقفونه…
الصراحة في وايد مواضيع في هالقسم تيي الوحدة تسأل عن أمر ديني و حكم شرعي و ايون البنات كل وحدة منهم تفتي… غير جائز و لا حرام و لا مكروه… طيب من وين هالكلام حطي المصدر من أي شيخ و لا من أي موقع … و لابس جي سمعتيه من مكان و أفتيتي…
طيب كيف جي !!! و إنتي يا إختي الي منزلة الموضوع و تسألين … تسألين منو بنات عاديات شراتج و يمكن منهم أقل علم منج… إذا كان الموضوع استشارة و طلب نصح أوكي مب مشكلة ممكن تستفيدين من خبرات البنات و تجاربهم… بس السالفة سالفة حكم شرعي و فتوى و ها الشي له ناسه عيل ليش المشايخ و العلماء درسوا و تعبوا عشان ييلسون و عامة الناس يفتون …
رجاءا خواتي إذا إختج طلبت منج نصيحة أو تجربة أو خبرة فمب مشكلة فيدي إختج بها … بس إذا كانت طالبة فتوى و حكم شرعي ففيديها برقم شيخ و لا بموقع شيخ و لا ييبلها الفتوى بنصه و هو مقتبس و حطي المصدر… بس لا تمون تفتون جي من عندكم و لا كل وحدة تكتب رايها … مرة أحيد وحدة سألت عن حكم شرعي و اتخيلوا وحدة قريت ردها و انصدمت " عادي أحس إن ما فيها شي " !!!
طيب إنتي منو عشان تحسين بحكم شرعي و تمشين و تمشين الناس على إحساسج و هواج !!
أرجو إنكم تاخذون ملاحظتي بعين الاعتبار … و أتمنى من المشرفات إنهم ينتبهون من هالشي و يحذفون الردود الي من هالنوع " فتوى بغير توثيق " لأن هالشي حتى من شروط القسم و موجود في الموضوع المثبت بس للأسف الظاهر الشروط تنحط و محد يقراها و ينبه العضوات عليها !!!
أتمنى من المشرفات التحرك بشأن الموضوع … لأن المسألة خطيرة …
اللهم بلغت اللهم فاشهد…
و اسمحولي ع الاطالة و تقبلوا ملاحظتي بروح رياضية و بصدر رحب ^..^
بصرآحة معـآج حق ومآقدر أقول انهـ كلآمج غلط
بآلعكس يزآج آلله خير
انا وحده يستوي جي ويآي .. يعني أشوف بنت تسآل عن شي
وانـآ اكون سمعته وآلله من شيخ او قريته في موقع فتآوى وأقولهآ عليه
بس وآلله وآلله آلقصد اني آقولهآ آلجوآب بس وآسـآعدهـآ بآللي أعرفه وقريته من مشآيخ وعلمـآء
يعني مو انه أفتي من رآسي لآ وآلله
بس غلطتي اني مآحط آلمصدر وفي هذه صدقتي
بس آلحمدلله مآقد قلت شي وكآن من عندي .. إلآ أكون قريته من مصدر موثوق
عن نفسي بلتزم ان شآلله .. لأن كلمة آلحق مآتزعل
ويزآج آلله خير مره ثآنيه مآقصرتـي حبوبه .. 
و أنا أدري إن معظم البنات تكون جي نيتهم …يبون الفايدة للبنت… و نيتهم طيبة بإذن الله … بس كل شي له أهله و ناسه… و المفروض انخلي الفتوى لأهله …
أتمنى من المشرفات التحرك بشأن الموضوع … لأن المسألة خطيرة …
كلامك صحيح أختي جزاكِ الله خيراً
والأخوات اللاتي ينقلن الفتاوى لابد من نقلها من الموقع الرسمي للشيخ مع وضع الرابط المباشر للفتوى على الأقل والأفضل أن الأخت التي لديها سؤال تتصل على المشايخ وتسأل .
انا لاحظت هالشي حبوبه