شحالكن خواتي ؟؟ اليوم يايبتلكم طريقه الكب كيك مع الحلوى العمــــانيه ….
طريقه العجينه خذتها من وحدها في منتدى ثاني والله يجزيها الجنه لان الطريقه وايد حلوه وظبطت من أول مره وكأنه كيك المخبز كأنه قططططن خخخخ ..
وانـــا زيدت فالـطريقه و حطيت حـلوى داخل العجينه وبتشوفونها بالصور…
يالله نبتدي بسم الله … اسمها …
الكب كيك ( كيكة الروب)
المقادير :
كوبين طحين – كوب و ربع سكر – كوب زيت – علبة روب ( زبادي ) الدواريه – 4 بيضات – ملعقة طعام ونصف بيكنج باودر – ملعقة صغيرة فانيليا
الطريقة :
يخلط الزيت والسكر حتى يصبح كالكريمة
نضيف الروب ونخلط جيدا
نضيف البيض واحدة تلو الأخرى مع الفانيليا ونخلط لمدة دقيقتين
أخيرا نضيف الطحين المخلوط بالبيكنج باودر ونخلط لمدة دقيقتين
يوزع الخليط في أوراق الكب كيك حتى المنتصف
يخبز في فرن متوسط الحرارة حتى ينضج
يحمر الوجه ويخرج من الفرن…
——————————————————————–
نصب العجينه للنص…
استخدمي اي حلوى عمانيه عندج ..
بعد ماصبينا العجينه كامله نحط في صحن ،،الحلوى ونقسمهن شرات اللي فالصورة ..
نحط شوي من الحلوى في نص العجينه،،لج الاختيار اذا حابه تكثرين من الحلوى … الصورة توضح اكثر
نظغط شوي عالحلوى عشان تنزل …
انا سويت نص بالحلوى ونص بدون شي …هـذي بالحـــلوى،، قصيت الكيكه من النص عشان تنشاف قطعة الحلوى..
وهذي بـــدون حـــلوى
والطعم رووووووووووووووعه .. يالله بنات سون وتخققن على اهلكن بشي يديد والعجينه 100% مظبوطه .. ولالالالالا تنسويني من الدعاااااااااااااااء .. اي دعاء تبووووونه الزوج الصالح الصحه والعافيه والتوفيق والجنه خخخ واذا كلهن بكون شاكره ولكن بالمثل ان شاء الله … جربو وخبروني
بسسسس تعبببببببببت
مع السلامه …. وهاي هديه للي بتدعيـــــــــــــــــلي ..
وهاي لأول وحـده بـترد + اللي تسوي رجيم ،،بسها وحده ههه
بس في سؤال يوم حطيتي الحلوى العمانيه ما بتطلع فوووق لي حطيته في الفرن ؟؟ ولا صبيتي بعد ما حطيتي الحلوى العجينه مرتين ؟؟؟
و السموحه منج
تسلم ايدج و ربي يوفقج=)
بخصوص سؤال الاخت… لا حبوبه مابتطلع فوق لأن تكون ثقيله ….
وبارك الله فيــــــــــج