المقادير اتقطعين بصلتين متوسطات وتقطعين تقريبا 7 حبات بطاطس مكعبات واتحطين بالخلاط طماط وفصين ثوم وفلفل حار واحد مايكون حار بس يعطي نكهه وريحه حلوه والي تبيها حاره اتزيد ولو الطماط مب احمر وايد حطي ملعقه صلصل واخلطيهم انا احب الصالونه تكون صافيه لو تعرفون هالمشخله الي نغسل فيها اللحم المفروم يعني الي تكون فتحاتهاا صغار وايد بعد ما اعصر الطماطم احطها في هالمشخله عشان يكون الطماطم صافي واسوي شوربه دياي والطريقه اني احط البصل والبطاطس بعد ما اقطعه والطماطم بعد ما اكون عصرته كلهم على بعض في جدر واحط تقريبا نص فنجان مال القهوه زيت واحطهم ع النار لين الطماطم يبدئ ينشف وينضى وبعدين احطي الشوربه الي كنت مسوتنها فوقه لين ينضى البطاطس والبهارات بس فلفل اسود وملح
وهني صورته بعد ماخلصته
والباذنجان اظن كاتبه طريقته اول بس برد اكتبها مره ثانيه عشان الي تبيها
هي انج اتقطعين الباذنجان دوائر وتقلينه وعادي الي تحب الفلفل البارد بعد تقلي بعد وبهاراته اتحطين خل ابيض وليمون وثوم ربع فص وممكن الي ماتحب تستغنى عنه وملح وكزبره مطحونه وسنوت مطحون وفلفل اسود شوي وملح وممكن اتقطعين طماطم فيه حسب الرغبه وبعد بقدونس وتحطين في هالخلطه الباذنجان وهالخلطه تناكل ع العيش وبعد عادي بخبز
والملوخيه سويتها بالطريقه المصريه خليت من الشوربه الي سويتها وحطيت في الشوربه فص ثوم وسنوت مطحون شوي وكزبره مطحونه شوي وبشرت طماطه وايد صغيره فيها بعد وحطيتهم في جدر ع النار شوي وبعد مافارت ع النار كم مره حطيت الملوخيه انا استخدمت المثلجه وخليتها لين ذابت في الشوربه وطبخت شوي بعدين في تاوه برع قليت فصين ثوم مفرومات وحطيتهم فوق الملوخيه وخليتها بس تغلي مره وحده وبندت عنها
والشوربه هي شوربة لسان عصفور بس انا حطيت وياها معكرونه وطريقتها العاديه اقلي لسان العصقور وياه معكرونه بس مب وايد وبعد مايحمر بعد كنت مخليه من الشوربه قولوا ياهالشوربه الي ماتخلص وكنت مقطعه فيها من صدر الديايه المهم بعد ما احمر اللسان عصفور حطيت فوقها الشوربه وخليتها لين نضى اللسان عصفور وبس
وان شاء الله يعيبكم الموضوع والي في الموضوع والله يعينكم ع الشرح والي ماتعرف شي تسألني وان شاء الله افيد البنوتات المبتدئات في الطبخ
أسويه برمضان..
تسلم ايدج
المشاركة الأصلية كتبت بواسطة مريوم الأموره 
أسويه برمضان..
تسلمييييييييين ع المروووووووووور نورتي الموضوع