شحالكن ياحلوات ؟؟
يبتلكن طريقة صالونه الدياي بالروب ،، والسموحه من البنات اللي طرشن عالخاص يبن الطريقه ومارديت عليهن لأن اليوم غالغدا خذت الطريقه صح وصورت الطبق ههه …لأجل خاطركن ^^
تفضلــن …
المقادير..
*نص دجاجه طبعاً مقطعتنهن ( اذا حابه تزيدين عراحتج)بس انتي زيدي المقادير
* 1 بطاطس كبيرة
* 1 قلاص روب .. انا استخدم قلاص الكرافت المتوسط… مصورتنه تحت
* 1 قوطي طماط الصغير
* 2 بصله صغيره .. او 1 بصله كبيره
* 2 ثوم .. خليه بكباره .. لاتقصينه
* 1 قلاص ماي .. اللي هوو قلاص الكرافت…. اذا كانت الصالونه وااايد غليظه زيدي الماي شوي .. هي تكون غليظه شوي بس مب شرات الصالونه العاديه وايد رفيعه..
*كركم نص ملعقه صغيره
*فلفل اسود اقل من النص,, ملعقه صغيره
* كزبره مطحونه اقل من النص،، ملعقه صغير
* فلفل حار (يمكن الاستغناء عنه) —– وحليـــــلــه خخخخخ
*ماجي نص
* ملح تقريبي
* بزار 1 ملعقه صغير
الطريقه…
نقلي البصل+ الثوم+ الدجاج+ الكركم + فلفل اسود+ الكزبرة المطحونه+فلفل الحار+ ماجي + الملح .. لين مايتغير لون الدياي للأصفر … اخر شي احط البـــزار
احط ماي شوي عشان مايحترق، ربع كوب.. واخليه خمس دقايق لعشر دقايق
فالخلاط …
احط الثوم اللي قليتـه + الروب+ قوطي الطماط… اذا عندج جوز الهند البودرة حطي شوي بيطلع وايد نايس
واخر شي … احط الجــماعه كلهم فالــــجدر
… واصب قلاص الماي و احط البطاطس واخليه لين ماينظى … وانثر كزبرة خضراء على ويه الصالونه واسكر الجدر…. وخلصناااااااااااااااا
طبعاً العيش الابيض مسوتنه قبل …
الحين دور الصور…………………..
قياس القلاص بالنسبه للمووووبايل …. اظن المتوسط
وبــــــــــــــــالــــــــــــــــعـــــــــــــ ــــافيـــــــــــــــــــــــــــــــــــــــــــ ــه ….
لاتنسويني من صـــــــــــــالح الدعــــــــــــــــــــــــــاء ..
ان الله ايحقق اللي في بالي–– لاتخافون شي زين خخخخخخخخخخخ
والله يعافــــــي امــــــــــــــــــي الغاليـــه ..
واي وحده تبا تدعي زياده ماعندي مانع ههههههههههههه —- ولكم بالمثل ان شاء الله
والله يحقق الى في بالك
والله يحقق الى في بالك
والله يحقق الى في بالك
والله يعافــــــي امــــــــــــــــــك الغاليـــه ..
المشاركة الأصلية كتبت بواسطة مها الجهني 
والله يحقق الى في بالك
والله يحقق الى في بالك
والله يحقق الى في بالك
والله يعافــــــي امــــــــــــــــــك الغاليـــه ..
العفو 
نورتي الموضوع فديتج ..
ومشكورة على الدعوة الحلوة
والله في وقته وعز الطلب
الله يرزقج من حلاله ويحققلج الي في بالج
ويعطيييج الصحه والعافيه
والله يحقق اللي في بالج آمين
ويشافي امج ان شاء الله
المشاركة الأصلية كتبت بواسطة ورد جوري.. العفو ….. ^^