صالونه البيض الهندى 2024.

والحمد لله والصلاه والسلام على سيدنا محمد وعلى آله وصحبه أجمعين ..

هلا خواتى ها المره سويت لكم صالونه البيض الهنديه الحاره وان شااااء الله دوم الوصفات الى احطها لكم تعيبكم باذن الله يالله نبدأ

المقادير :-
3 بيضات ويمكن اتزيدون على حسب عددكم
كوب كزبره مفرومه
زيت
2 طماط مفروم
ملعقه ونصف فلفل احمر
ملعقه كركم
ملح ملعقه وحده
ملعقه من الثوم والزنجبيل المطحونين
كوب ماء
الطريقه :-

انحط الجدر على النار ونضيف له زيت وملعقه من الكركم ونحركه مع الزيت وبعدين انضيف الفلفل الاحمر ونحركه علطول وبعدين انضيف الثوم والزنجبيل المطحون وصدقونى راح اتشمون الريحه الحلوه تطلع من الجدر, وبعدين انضيف الطماط المفروم والملح ونحركه والكزبره المفرومه ونحركهم زين ما زين , ونحط كوب الماى انزين واخر شى انضيف ابيض نكسره ونضيفه وحد وحده بس مانحركهم عشان انحافظ على شكل البيض داخل الصالونهتقريبا لمده خمس دقايق بعدين تقدرون اتحركونه عقب ما يتماسك البيض وتقدرون تاكلونها مع الخبز او العيش الابيض وان شاء الله راح يعجبكم ..
دمتم بحفظ الرحمن

وان شاء الله الصور اتكون كفت ووفت