الغاليات انا قاعده اكتب لكم وانا متألمه
بحاول اختصر لكم الغاليات
بنتي مراهقه عمرها 17سنه تعبانه واااايد معاها
بنتي عندها بهاق من 6 سنين قبل ماكانت تهتم بس الحين كبرت وصارت في سن مراهقه ولاحظت نفسيتها بدت تتعب
هب عارفه كيف اتصرف معاها جربت معاها الاشعه وكريمات بس بلا فائده
مع العلم هي عندها بهاق متفرق في جسمها بهاق ثابت بقع صغيره في الوجه والكفين والساقين
الي عندها حل تلحقني وتساعدني حتى لو الحل خارج البلاد او مكلف مو مهم المهم علاجها
بدعيلها في كل صلاه الي بتساعدني
للاستعمال الداخلي :
نأخذ ثلثين من طليلان والثلث من قرح دوع على شكل مسحوق ونأخذ نصف ملعقة صغيرة قبل الفطور وقبل النوم بشكل يومي.
للاستعمال الخارجي :
أو الموضعي نأخذ ثلثين من طليلان والثلث من عود حرق ونضيف إليهما العسل الحر وخل التفاح. يخلط الكل على شكل كريم ويوضع مكان المرض ثم نعرضه لأشعة الشمس بشكل تدريجي مثلا اليوم الأول 5 دقائق، واليوم الثاني 10 دقائق واليوم الثالث 15 دقيقة إلى غاية 30 دقيقة، ولا يجب تجاوزها.
هلا أختي ، حسب كلام دكتور ثقة :
زيت خلاصة الرشاد و خل التفاح من العلاجات الطبيعية الممتازة للبهاق
إذا تبين خلاصة الرشاد كلميني ع الخاص وبدلج على المكان اللي بتاخذينه منه ‘
وإذا تبين تسوينها بروحج في البيت فهذي هي الطريقة :
طريقة تحضير دواء البهاق :
ملعقة كبيرة من الرشاد الناعم
3 ملاعق كبيرة من خل التفاح أو خل البلسمك
6 ملاعق كبيرة من زيت زيتون
نطبخ المكونات كلها على نار هادئة لمدة 5 إلى 10
نبرد الخلطة ونصفي الزيت ونضعها في قارورة
( وبهالطريقة بتكون خلاصة الرشاد جاهزة للإستعمال )
# طريقة الإستعمال :
ندهن المناطق المصابة ونعرضها للشمس لمدة من 5 لـ 10 دقائق مرتين في اليوم
المرة الأولى : الساعة 8 الصبح
والمرة الثانية : الساعة 4 العصر ( بعد صلاة العصر )
وتستمرين على هالطريقة لمدة شهر إلى شهرين
وإن شآء الله بتخوز البقع البيضاء وبترد صبغة الجلد إلى ما كانت عليه
مشكوره لانج بحثتي في الموضوع وحاولتي تساعديني
ان شاء الله تكون هالخلطه علاج لها