صدج قوية عين والمعرس مسود الويه ولا شرايكم . 2024.

مرحبا الغاليات بغيت اخذ رايكم بسالفه امس وانا يالسه انا وحميتى نسولف جان تخبرنى تقولى انها سارت عرس واحده من الاهل البنيه صغيره يعنى باول العشرينات والمعرس مدرى كم عمره ما سالتها الموهيييم قالت واحنا يالسين بالقاعه الا وشفنا حوسه وربكه وضجيج وما فهمنا شو السالفه تقول عقب ما هدت الاوضاع شوى عرفت شو اللى استوى تدرون شو المعرس الحبيب معرس من قبل لا وما صار له من عرس يمكن سنتين ما كمل لا والادهى واللى يقهر ان حرمته وحليلها توها مربيه باول ياهل ما صارلها 6 شهور وطبعا يوم درت حرمته ان ريلها بيعرس وان عرسه بهاليوم وبالمكان الفلانى ركضت مثل المينونه وسارت العرس بس لحقوها قبل لا تدش القاعه وتستوى الفضايح واخذوها على غرفة المعاريس فوق عسب يهدونها ويقنعونها انه تسير بيتها وعن الفضايح وطبعا ياه ريلها مسود الويه وتهاوشت معاه ومدرى كيف اقنعوها انها تسير البيت المهم سارت الحرمه مسكينه لا حول ولا قوه وطبعا المعرس يقولون وااايد طول لين نزل القاعه حق العروس والكل يبا يعرف شو اللى قاعد يستوى حميتى تحكيلى وانا صدج منقهره قلت ليش هالعروس اللى ما تستحى قوية العين والقلب تاخذ الريل من حرمته وتوهم معاريس يداد يعتبر ليش تحرم ياهل توه ياى عالدنيا من حنان ابوه واهتمامه ليش ترضى انها تاخذه من دون علم زوجته ومن دون سبب لا حول ولا قوة الا بالله يعنى العروس صغيره والفرص جدامها وااايد حق شو مستعيله ما فكرت غير بنفسها انها تبا ريل وبس ما فكرت بالاسره اللى بتهدم سعادتها ما فكرت بالحرمه اللى كسرت قلبها وفرحتها بريلها وطفلها وانا ما احط اللوم فقط عالبنيه الا وبحطه عالمعرس بعد واقول حق شو زوجه وعندك وعيال ويابتلك حق شو والله ان كل من درى بالسالفه يلس يخبط كف بكف من التعجب شو صاير لكم يابنات هالايام تشوف البنيه عمرها يمكن 16 وتفكر بالريل وما تبا الدراسه وتحوط بالمولات والحاله حاله شفيكن الله يهديكم بس بنات طافن الثلاثين وما يفكرن شراتكم انهم يعرسون وبس حتى ولو على حساب غيرهم والله ان تميت اتكلم بهالسالفه منى لين باجر ما بخلص من اللى اشوفه واللى اسمعه هالايام واللى عندها ريل تمسك فيه بيدها واسنانها وتدعى الله دوم انه يبعد عنهم كيدهن ان كيدهن عظيم يلا بنات بغيت ارائكم بهاالموضوع وكيف نحط حد لها الظاهره اللى قامت تنتشر وتزيد بها الفتره الاخيره

للرفع

لا حول ولا قوة الا بالله

مب شرط العروس تدري ان الريل توه معرس

يمكن قص عليهااا

الله يعين

الله الهااادي

لا حول ولا قوة الا بالله

صراحة حزنت على حرمته وولده

مو عارفه شو اقول