بنات حبايبي…….. عندي مشكلة ………وهي النوم الثقيل
نومي ثقيل بمعنى الكلمة
والمشكلة اني اضيع صلا الفجر…
اضبط المنبه و صوته عالي يصم الاذن……بس انا اذا نايمة ما اسمع لو شو ما صار…… لازم حد يقرصني او يمسكني …. لازم حد من الاهل يقعدني بدفاشة
مو ينادون اسمي برقة….. لا لازم حد يهزني هز
والاهل اذا قعدوا يصلون …يصلون وينادون من بعيد….و يطفون المنبه…ويرقدون…..زوانا ما احس بعمري الا والشمس ظاهرة 
واصلا امي ما تحب اتعب عمرها تناديني وترقد
وخواتي الصغار ما يصلون كل يوم
و الشغالات ما يقعدون الفجر …يصلون لما يقعدون من النوم
ترى حتى للجامعة …ما اقعد روحي….. لازم الشغالات يقعدوني بضرابة
انا اسمع المنبه في حالة وحدة بس
بس اذا رقدت الساعة تسع او ثمان ( اسمع المنبه على الساعة 5)
و مو دوم ارقد من وقت
ساعات اسهر لين الفجر و اصلي و ارقد
بس صعب اسهر اذا وراي امتحان الصبح
شو اسوي … حرام اضيع صلاة الفجر
حد عنده حل للنوم الثقيل….تنصحوني اسير عند الدكتورة؟؟
انا ما انام وايد ……. حتى ما انام الظهر بس بالليل انام
و دوم اتاخر لين ما اييني الرقاد واخلص شغلي
انا قبل النوم اتوضا و اصلي ركعتيين واقرا الاذكار وانام
بس بعد ما اقعد دوم ……. لان محد يتفيج يقعدني ؟؟؟
شو اسوي ؟؟؟؟
زين انج تحاتين الصلاه حبيتي حطي لج ساعه منبه يكون صوتها اقوي عن منبه المطافي (سنطور) وبتنشين عا طوووول ..
هذا اللي اعرفه
بشوف الموضوع ولي عودة
حل تفيدنا
المشاركة الأصلية كتبت بواسطة عز_بوظبي 
بسم الله الرحمن الرحيم
صلاة الفجر
وطريقتي في القيام لها
اقرئي هذه الايات قبل نومك
بسم الله الرحمن الرحيم
((إِنَّ الَّذِينَ آمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلًا
خَالِدِينَ فِيهَا لَا يَبْغُونَ عَنْهَا حِوَلًا
قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا
قُلْ إِنَّمَا أَنَا بَشَرٌ مِّثْلُكُمْ يُوحَى إِلَيَّ أَنَّمَا إِلَهُكُمْ إِلَهٌ وَاحِدٌ فَمَن كَانَ يَرْجُو لِقَاء رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا ))
صدق الله العظيم
هذه هي طريقتي
امس رقدت الساعه 1 طبعا الوقت متأخر وكنت ناويه انش لصلاة القيام وضبطت المنبه لها
نشيت بروحي من دون ماتصيح الساعه !! قلت بعدها الساعه ماصاحت وماشفت الساعه كم ورديت ارقد … وياخسااااره والله
لكن بعدها نشيت بروحي لصلاة الفجر من دون ساعه !!
وانا داااايما هاي تصير معاي كل ما اتذكر هالايات واقراها قبل لا ارقد انش بروحيه
فيا سبحان الله
وانشالله لي تجربها واللي مجربتنها قبل تخبرنا
وارجو منكن الدعاء لي بالتيسير والتوفيق 
لا تحاتون ترا انا بعد نومي ثقيل والحمدلله مرات اسمع المنبه ومرات لا
الله يقدرنا ان شاء الله على صلاة الفجر وقيام الليل آمين يارب العالمين
بجرب و بشوف
وان شاء الله يفلح
انزين واذا رقدت وانا مو حاسة فعمري وما قريت ها الايات
؟؟؟
عالية الشان ..انا حتى لو تمو يزاعقون ويصرخون ما اسمع كاني ميتة
لازم حد يحرك جثتي