شحالكن ياسيدات الامارات؟؟
هالسنه وبتوفيق من الله رحنا صلاله مرتين
الرحله الاولى انا وبعلي العزيز وكانت يومين في شهر 7
والاجواء حلوه بس الرحله الثانية اجوائها احلى
وبخليكن مع مجموع من صور رحلة شهر 7
اول يوم الصبح طلعنا نتمشى والجو كان رهيييييييب
مرينا الدهاريز وشفنا هالاكشاك اللي يبيعون فواكه
يمي شو لزيييييييز كل السنين اللي زرت فيها صلاله مافكرت اذوق النارجيل او الناريل الاخضر
بس هالسنه جربته وحبييييييييييته
وبعدها تمشينا بين المزارع وكان الجووو حلووو والمكان هادي نسمع اصوات العصافير
وبعدها رحنا عين جرزيز المكان حلو بس فيه باعوض وااااااااااااايد..
وسيده رجعنا السياره ورحنا الجبل اللي فيه ضريح النبي ايوب عليه السلام
يتبع —>
ورحنا صوب عين صحلنوت ولفينا صوب اليبال ويلسنا في مكان مرتفع
وكان الهواء حلوووووووووو
وبعد بريك الغدا انطلقنا لوادي دربات
وطبعا بما انها فترة الخريف والناس والزحمه كل مكان نحصل سيارة الايس كريم
اللي تذكرنا بايام الطفوله الجميله
ومن عقب الايس كريم دورنا لنا مكان بين الزحمه
ولا بد من الجاهي والقهوه ^_^
ويت صوبنا هالبقره مخليه كل هالعشب وتدور اكل عندنا ^_^
وعلى وقت العصر كملنا تمشيات في وادي دربات وبخليكن مع الصور
وفي الطريج ونحن طالعين من دربات مرينا على عين أثوم علشان نشوف الشلالات
ولما وصلنا لمنطقة الشلالات ماحصلنا فيها ماي
ورجعنا للمدينه وتفاجأنا بالزحمه الغريبه وشفنا الدخانه وكان السبب بنايه محترقه
وجك جك من بعيد للحريق ^_^
ورجعنا للفندق وصلينا المغرب والعشا جمع وقصر وانطلقنا للمهرجان في مركز البلدية الترفيهي
يتبع —>
واول شي للدهاريز علشان الناريل ^_^
وبعدها خذنا فطاير من مخبز عمان الحديث ورحنا البحر علشان نتريق ^_^
وبعدها رجعنا الفندق لانه يوم الجمعه وبعد الصلاه خذنا غدا ورحنا لعين حمران وبعدها لليبل علشان نتغدا
وكان الجو ضباب ورذاذ
وبعد ما اخترنا مكان علشان نتغدا ونتحرك بسبب الرذاذ اكتشف هالبعوضه العملاقه خخخخ
تحركنا ورحنا لوادي دربات تمشينا وخذنا ايس كريم وبعدها يلسنا نفس المكان اللي يلسنا فيه اليوم اللي قبله
وكانوا عدالنا سعوديين ريال وحرمته وعيالهم اثنينه استانسنا باليهال يمرون يلعبون ويانا ويروحون
وجريب المغرب رجعنا للفندق وبعدها رحنا لقرية سمهرم السياحيه وكانت مسكره ورحنا لمركز البلدية الترفيهي
وتمشينا وبعدها رجعا الفندق ورتبنا اغراضنا ورجعنا الامارات سالمين غانمين ^^
يتبع —>
وما شاء الله الجوو رهييييييييييب من قبل مانوصل صلاله
( يعني من هيماء كان الجوو غيم وريح وغبار وامطار )
هذي لقطات في الطريج مع الاجواء الحلوه
طبعا بتنا في ثمريت وثاني يوم الصبح انطلقنا لصلاله والمسافه تقريبا من 60 لـ 70 كم
وطول المسافه سحاب و رذاذ
وهذي بدايات صلاله
ومهما تتصل تكلم المكاتب طول الطريج علشان يحجزون لك بيت ماشي فايده يقولون شي شي
ولما توصل يقوولون تاخرتوا واجرنا البيت عاد مرينا على كذا مكتب
واللي ضحكني لما طلعنا من واحد من مكاتب التاجير انهم كانوا يسوقون على سرعه 15 او 20
واقول لريلي غريبه ليش هالسرعه
قالي نلحق راعي مكتب التاجير
قلتله وينه قال شوفي جدام خخخخخخخ
خخخخخخ هذا هووو راعي السيكل يحليله تعبوووه لما وصلنا للمكان اكتشفنا انها شقه ونحن نبغي بيت
ورحنا تمشينا مرينا الدهاريز وياعيني عالجووو
وبعدها رحنا متحف ارض اللبان في منطقة البليد الاثرية وتمشينا شوي وعيبتني هالسفينه
وشفت هالحجر المنحوت وكان عملاق
وهذي المرساه عباره عن قطع من الجرانيت ويعتقدون انها مصنوعه من قبل 1500 سنه وطبعا حصلوها على عمق مترين في الجانب الجنوبي لسور البليد البحري وطولها 2.30 م ويتعدى وزنها الطن الواحد
وبعدها اتصل فينا واحد من المكاتب وقال انه في بيت في السعاده والحمدلله
طبعا نزلنا وكان خاطري اركب القوارب بس كان عندهم زحمه وشباب
المهم الياهال ركبوا واستانسوا
ونحن طالعين من دربات جريب المغرب شوفوا البقر ماشاء الله عندهم بقر واااايد
يتبع في الصفحه الثانيه —>