خواتي هذي اول مشاركة لي في هالقسم….. ان شاء الله يكون القسم المناسب للموضوع
المهم …ومن العنوان واضح ان الشغله فيها صمون ودياي….
اخليكم ويا المقادير والطريقه والصور:
كيسين صمون(12 حبه تقريبا)
دجاجه مسلوقه
حبة بصل مقطعة شرايح صغيره
نصف مكعب ماجي ومكعب زبده صغير
نصف حبة جزرمبشوره
نصف حبة فلفل بارد مقطعة ناعم
ملعقتين طعام مايونيز
ملعقتين طعام جبن سائل(كرفت او المراعي)
رشة ملح وبهارات
جبن موزاريلا للوجه
الطريقة
1:نقطع حبة الصمون الى 4 او 3 بالعرض ونصفها بشكل مرتب فالبايركس او صينية الفرن ونحفرها من النص..مثل الصوره
2:نحضر الدجاجه بسلقها في ماءوملح وبهارات…لما تنضج نفتتها لقطع صغيره
3:على النار نحمس البصل في مكعب الزبده وبعدين نضيف مكعب الدجاج ماجي
4:نضيف عليه الدجاج المقطع شرائح ناعمة مع رشة ملح وبهارات
5:ثم نضيف عليه الجزر المبشور والفلفل الرومي..ونتركه على النار 10 دقايق
6:نرفعه عن النار ونضيف على الخليط ملعقتين المايونيز والجبن السايل….ويصير مثل اللي فالصوره
7: نحشي حبات الصمون بالحشوة …ونرش عليها جبن الموزاريللا المبشوره
ندخلها الفرن…ونفتح النار من فوق بس…عشان نذوب الجبن…ونقدمها ساخنة
جربوها لذييييييييييييييييييييييييييييذه
وهنـــــــــــــــي وعافيـــــــــــــــــــــه
مع تحياتي ام منصور…
والله يعطيك العااااافيه
شكلي بجربه