صينيه الباستا بالدجاج لمحبات الاكل الايطالي 2024.

هلا والله
مرحباا بكم خواتي سيدات وآنسات الامارات
البارحه سويت عشانا من الظهر مادري شوهالنشااط اللي ياني فجاه خخخخخخخخخ
سويت باستا الانابيب pinniالحجم الكبير وحشيتها دياي وخضرة
ومن فوق حطيت عليها صلصه طماطم جاهزة وباشاميل ..

الطريقه خذتها من كتابا لطبخ الايطالي وبدش فالموضوع على طووول

المقادير ..

صدر دجاجه
بصله مفرومه
جزرة مبشوره
كوسه مبشورة
كرفس مبشور
فلفل بارد مقطع
صلصله الباستا الجاهزة
فص ثوم و(ملح وفلفل اسود اوريغانو بقدونس مجفف ومكعب ماجي جبن بارمزان وكرافت مبشور)
وطبعا الباستا الكبيرة اللي اتشوفونها

هني غسلت و فورت الدياي مع شويه بصل وعود جرفه ومسمار عشان الريحه تكون حلوة.

حمست البصل مع زيت زيتون لين استوى ذهبي
وحطيت عليه الجرز والكوسه والكرفس

فنفس الوقت حطيت الباستا تغلي عالنار مع شويع ملح وزيت الزيتون عشان ماتتلصق
بس ماخليتها تستوي عدل عشان ماتتقطع يوم احشيها
شخلتها ورشيتها بزيت زيتون وخليتها..

اهني الخضرة بدت تذبل وحطيت الفلفل البارد والبهارات اللي ذكرتها قبل ..

حطيت الدياي وحركته عدل وخليته 10دقايق على نار هاديه لان الدياي مستوي من قبل
وماظفت ماي عليه خليته ناشف..

خليت الحشوة تبرد
وحطيتها داخل الباستا ورصيتها فالصينيه وسخنت الفرن على درجه 200

البشميل
زهبتها قبل ..
50جرام زبده
50جرام طحين
اذوبهم عالنار والطحين اظيفه بالتدريج ليين اوصل للسمك اللي اباه
واحط عليه ملح وجوزة الطيب

حطيت الصلصه الجاهزة فوق الباستا..
ومن تحت بعد عشان ماتحترق

غطيتها بالبشميل والبارمزان والكرافت ,,
وشكلها يشهييييي..

هاااااااااااااااااه شورايكم
خليتها بالفرن 20 دقيقه وطلعتها وهذا شكلها يمييييييييييييييييي

وهذا الصحن لاول واحلى رد

واي استفسار انا حاااظرة..
وحيا الله سيدات الامارات..

روووعه ماشاااء الله تسلم ايدينك..
شكلها يمى.

روووووووووعه يسلموو ..

ما شاء صور وشرح اكثر من رائع
ان شاء الله بسويها
موفقه حبوبه

يمي يمي يشهي شكله و انا من عشاق االباستا

ما شاء الله عليج طبختج وايد حلوه

يمي يمي يمي…. واااااااااااااايد اتشهي الباستا

اموت عالاكل الايطالي وخص الباستا واللزانيا…أح

موضوع كامل ومتكامل من ناحيه الشرح والصور…سلمت يمييينج عالطرح..
ويعطيج العافيه….