اشحالكن يا بنات ياعلكن بخــــير
مادري كيف أبدى سالفتي بس خلاص ملـــــيت حياتي صارت صعبه خصوصا عقب ما تطلقت أو بالأحرى خلعت زوجي …
أولا : اللي تخلع زوجها بمحاكمنا ما يضمنولها حقها وتتنازل عن كل شي في سبيل الطلاق .. ما بدخل بالعميق لأنه السالفه نفسها تضايجني ..
ثانيا : الشؤون قالولي ماشي تقديم تخيلووو وقفوو تقديم الشؤون على حضي النحــس ؟؟ <<<<<<< أوني مستانسه خلصت العده باخذ شؤون
قدمت عالصحه وقالولي درجتج إكسلنت بس وقفو التوضيف من دبي ويوم أسير أي مكان أقدم (( شغل واسطاااااااااااات )) ماشي شاغر والكل يعرف راس الخيمه ووظايفها المحدوده
مأدري شو أسوي أحس نفسي عاله على أهلي مع إنهم يصرفون عليه حتى يوم كنت على ذمة ريلي ولا قالو لي شي ولا تذمرو ويتمنون سعادتي وهم على قد حالهم الحمد لله….
موب أنا بس وايد حريم شراتي وأخس بعد .. بس ياليت المسؤولين ينظرون بحال المطلقات أو بالأحرى اللي خالعه زوجها لأنها تكون تنازلت عن أشياء وايد بالإضافه إنها تشتري حريتها بفلوسها وآخرتها يطلع بو الشباب الربحان ما يفكرون بحال الحرمه
أرجوكم واسوني أنا فعلا صاكه فيني الدنيا وما اقول غير الحمد لله على كل حال ؟
بس لا تيأسين ،،،خلي أملج بالله كبير ،،،
و رب العالمين ما ينسى عباده ،،،
و حاولي اتقدمين أوراقج بكل مكان ،،،
و إن شاء الله بتحصلين الوظيفة السنعة ،،
ما أقول غير :
ربي يوفقج دنيا و آخرة ،،،
اختي شوفي قسم الوظائف بالمنتدى عسى الله ييسرلج وظيفه تناسب مؤهلاتج واكثري من الاستغفار والدعاء والله يعوضج خير عنه يارب
ولاتكونين حساسه من ناحية اهلج عسى يارب تشتغلين وتعوضيهم مع اني متاكده ماينتظرون منج تعويض
والله ييسر لج امورج ويفتح لج ابواب الخير والرزق
وسعي صدرج .. هموم الدنيا وااايدة وعليج بقيااااااام الليل ..
وخلي ايمانج بالله قوووووي .