ومباركن عيدكم مقدما والله يعودنا على هالأيام المبروكة يا رب
هاذي اول مرة أفتح قلبي هني وأطرح موضوع مقلقني
احنا مجموعة خوات الله ما كتب لنا نصيب للحين وأعمارنا تتراوح من فترة قريبة تقدم لأختي الصغيرة شخص من مدينة ثانية وتعليمه محدود وظروفه على قده والصراحة نحن وايد مترددين من جهة حابين أن الفرحة والعرس يدشن بيتنا ومن جهة الرجل ظروفه وايد محدودة واختي عندها ماجيستير وفي نفس الوقت الأخت الوسطى قالت لازم نمشي بالدور يعني ما يصير الصغيرة تروح قبل وبصراحة احس اننا انحطينا في موقف صعب شوي 
كيف نوفق؟ مثل مات قلت لكم الرجل مستواه العلمي والوظيفي والاجتماعي أقل عنا
اختي عندها ماجيستير
واختي الوسطية تقول لازم أنا قبل وانا بصراحة خايفة على الاختين واحس امي مترددة في الموضوع كله فأنتو شو رأيكم
رجأأأأأء لا تطنشون الموضوع او تظنونه بسيط والمشكلة ان الرجل يالس يلح على اخويه بطريقة مزعجة شوي في اننا نرد عليه
ياالله يا كريم طلبتك تفك حيرتنا وتسهل لكل وحدة مننا
هذا نصيبها ^_^
بالتوفيج ان شاءالله
وكلكن اتعرسن >>وانا وياكم خخخ
لا توقفون نصيب البنية عشانكم
و مب لازم بالدور
وحلاتها الصغيرونة اتعرس وصدقوني وايد بتستانسوون
ومشورة اختج الوسطى مب لازم في الموضوع دام عندكم اخو وام
اسالو عن الريال ووخلي اختي الصغيرة تستخير وان شاء الله كل خييير
اعيد نفس الجملة
لا تسمعون كلام اختكم الوسطى
ولا توقفون نصيب البنية
افرحولها هذه اختكم وياينها نصييب ومافيها شيء لو هو مستواه اقل دامه قادر يسعدهااا
لا اتخربون وناستها
الصراحه لازم يكون فالزواج تكافؤ وهذا من الشرع بس لو هي راضيه فيه ومقتنعه بمستواه تتوكل على الله وسالفة لازم العودا تعرس قبل الصغيره لالالاثم لالالامايصلح هالكلام الزواج قسمه ونصيب فلو محد يا حق الكبيره شو يعني الباجيات خلاص مايعرسن لا مايجوز هالكلام وموفقه عزيزتي
المشاركة الأصلية كتبت بواسطة ابتسامة قمر 
لا توقفون نصيب البنية عشانكم
و مب لازم بالدور
وحلاتها الصغيرونة اتعرس وصدقوني وايد بتستانسوون
ومشورة اختج الوسطى مب لازم في الموضوع دام عندكم اخو وام
اسالو عن الريال ووخلي اختي الصغيرة تستخير وان شاء الله كل خييير
اعيد نفس الجملة
لا تسمعون كلام اختكم الوسطى
ولا توقفون نصيب البنية
افرحولها هذه اختكم وياينها نصييب ومافيها شيء لو هو مستواه اقل دامه قادر يسعدهااا
لا اتخربون وناستها
وانا ابد ما اوافق اختج الوسطيه بأن لازم اول شي تعرس العوده !!!! لاااا اختي هذا نصيب ..الله العالم متى بيي نصيب العوده ..معناته الخوات الباقيات يتريين لين العوده تعرس !!!هذا تفكيير قديم اختي والسموحه
وان شالله الله يوفقكم ويستر على بنات الامه الاسلاميه ..آمييين
ناس عندهم شهادات عليا ومناصب ووو عافانا الله ما عندهم أخلاق وياما
ناس ع قد حالهم وتعليمهم بسيط وما شاء الله عليهم ذووق وأخلاق وعيشتهم حلوه..
أما عن سالفه هي الصغيره ولازم تزوجون بدور أنا أقول اذا زين خلوها تتوكل هذا نصيب يمكن نصيبكن عقبها..
والله يقدم اللي فيه الخير.