طالبة في التقنية جتني .. تشتكي وتقول اسمعني
اكتب اشعارك في موضوعي .. داخله بالله لا تردني
عبر انته بالحكاية وقول .. الي عندنا يصير مب معقول
حاول انته قد ما تقدر .. وصّل أشعارك لأي مسؤول
انته كل حد صار يسمعلك .. وانته وضعك تدري يسمحلك
وصّل الموضوع يالشاعر .. ومن صميم القلب أشكر لك
قلتلها قولي وش الموضوع ؟؟ .. ليش عينج تمتلي بدموع ؟؟
طالعتني بنظرة وقالت .. والله انه خافقي موجوع
جيت أنا أدرس بمجهودي .. مب وساطة وكثرة وعودي
نسبتي تسعين وشويه .. هذا زرعي وهذا محصودي
الله خالقني ع قد حالي .. مدري مال العالم ومالي
صح فقيرة بس باخلاقي .. صرت اغنى الناس يالغالي
عندنا اللبس ماهو موحد .. و عَ كلامي كل أحد يشهد
واللباس اليوم ع الموضه .. وكل أحد يكشخ على كل حد
وفيه بنات الي أنا منهم .. الدراسة بس تشغلهم
ليش ماعندي ثياب كثير .. صرت أنا لا ما أشرفهم
يطالعوني بنظرة ماتسوى .. يعاملوني دوم بالقسوة
لو أسلم مافي حد يرد .. في نظرهم صرت ما أسوى
ويوم أجي كلهم يخلوني .. لو أسولف مايكلموني
ليش ألبس نفس ثياب الأمس .. كلهم صاروا يلوموني
وفيه بنات الله يا ساتر .. ما يهمهن شي سوى الظاهر
خقة ورزة على الفاضي .. شايفات النفس ع الآخر
وطبعا المكياج في الشنطة .. والكحل في عينها تخطه
كل دقيقه قامت فلانة .. دوم تتخشش وهي تحطه
والعطر غربي ودهن العود .. دوم فيها يكون هو موجود
كل ساعة قامت ورشت .. وصارت الريحة بليا حدود
والله إني ماني غيرانة .. بس بالي يصير حيرانة
ليش كلهم صاروا يقولون .. لابسة لبس أمس هالفلانة
كم بشيل بخاطري همي .. كم شكيت وقلت ياعمي
انته تدري عندنا في البيت .. مايكفينا معاش أمي
بس أحمد ربي مستورة .. وللي تضحك قلت مشكورة
عايريني لو تبين أكثر .. وانا من جواي مقهورة
كم شكينا بس من يسمع ؟؟ .. غير هذا الحل مانطمع
وحدوا اللبس يا إدارتنا .. شوفوا صارت عيننا تدمع
راح نفرح لو توحدونه .. مع بعضنا راح تساوونا
الفصل صاير محل أزياء .. انتوا هذا الشي ترضونه ؟؟
بعد ما شرحتلي وقالت .. وفضحتها الدمعة وسالت
قالت الموضوع بين إيدك .. وتركتني حاير وراحت
يا جماعة شوفوا هذا الحل .. واعتقد أمره ترى هو سهل
وحدوا اللبس بس مب أكثر .. يكفي معاير !! ويكفي ذل !!
كلنا من طين مخلوقين .. وكلنا يجمعنا هذا الدين
فيه أحد عنده فلوس كثير .. وفيه أحد ظهره كسره الدين
الله يطول عمر زايد .. ويبقى لبلاده ذخر قائد
الرسالة اليوم قلناها .. ولكم انتوا هالأمر عايد
منقوله
<< خاصه لبنات الكليه الكشيخات >>
عاد انا ييت على الموضوع وما حبيت اطلع من غير ما اقول شي
تسلمين يا ام فهد على اختيارج
يستاهلون بنات الكليه والله يوفهم
نبي ردودكم يالكشيخات
وتسلمييين يارب..
وربي يهديهن إن شاء الله…
بس أختي عدلي الموضوع فديتش .. غيري اسم زآيـد الله يرحمه وخليه اسم خليفه أو // حذفي البيت هذا .. لأنه مايستوي كذهـ ..^^
وحسيت الكـآتبه وآيـد متنـآقضه .. مره تقول مـآيهمني .. ومره تقول مقهوره 
>> طحت عليكم شو تسوون خخخخخخخ
وانا عييييييين الصوااب