بصل
طماط
بقدونس
كزبره
ثوم
زيت
خل
البهار : ملح , زنجبيل مطحون , فلفل اسود , كمون , شوي بهار مشكل
الطريقه :
طبعا الكميه ع حسب اللحم اللي عندك وتقديري بالنظر
بصل+شوي طماط+شوي ثوم+حفنه من البقدونس+شوي كزبره
( تفرمينهم في الفرامه) فرم ناعم
وفي زبديه تحطينه وتقلبينه مع اللحم وتضيفين شوي خل + شوي زنجبيل مطحون
+فلفل أسود + شوي كمون + شوي بهار مشكل + ملح + 2 م ك زيت تقريبا
وتحركينهم لين يتجانسون تغطين الزبديه بنايلون وتخلينه تقريبا نص ساعه بالثلاجه
* في صينيه حديد حطيت عليها قصدير ودهنته بشوي زيت
شكلي اللحم المفروم ع شكل أصابع رفيعه شوي وصفيها بالصينيه
مع الضغط عليها قليلا
وقطعي اذا حابه أرباع بصل,طماط,فلفل بارد,ليمون وانثريهم في الصينيه
دخليهم الفرن ع نار هاديه من تحت ولما يستوي حمريه من فوق
تقريبا أخذ مني نص ساعه يعني كل شوي شيكي عليه بالسكين من تحت
*لما استوى حطيت فنجال فيه شوي زيت بنص الصينيه وشبيت عالفحم وحطيتها بالفنجال
عشان ياخذ نكهة المدخّن وكتمته بصينيه
سلطة الطحينه :
لذييذه جدا مع الكباب ومع السلطات , الفول أو مع البروست
طبعا الطريقه من اجتهادي
في الفرامه :
شوي عصير ليمون + شوي خل + شوي طماط + فلفل + طحينه سايله + شوي ما
وممكن اذا حبينا ذرّة ملح
تحطينهم بالفرامه أو الخلاط وتخلطينهم لين يصير صوص ناعم واستمتعي بالطعم
الرز :
نقعته مسبقا في ما + ملح حتى يكون نثري وحبته طويله
وفي قدر : شوي زيت حطيت عليه بهارات عدله قرفه + ورق غار + فلفل أسود حب + هيل
لما تحسين الزيت احتر وثم أصب عليه ما مغلي وأملحه وأضيف الرز
ويكون الما مرتفع عن الرز ب شوي ولما يتشرب الما وتحسين الرز طلع تقصرين عليه
لما استوى تقريبا حطيت بفنجال شوي زعفران + صبيت عليه ما مغلي ووزعته عالرز
يعطي نكهه لذيذه وقلبت الأرز وأضفته بصحن التقديم + الكباب وزينته بالبقدونس
بالعافيه
كنت حابة اشوف الطريقة بالصور او عالاقل الشكل النهائي للطبق