باستا مسلوقه اي نوع تحبين
ضيفي عليها /
دجاج مع – فلفل رومي – احمسيها ع النار مع بهارات ايطالية او بهاراتك الخاصة
و ذرة -وآخر شي ضيفي البقدونس او كزبرة
اخلطي خلطة الدجاج مع الباستا في قدر ثم صبي عليها هالصوص ..
الصوص ( كريمة خفق – ميكس اجبان [ موزاريلا – شيدر – جبن سايل ] )
خليها 5 د لين تتشرب الخلطة ..
ورشي عليها جبن تشيدر/موزاريلا ورشه اوريقانو ..
واستمتعي
باستا بصلصة البيتزا
* نحمس ع النار ثوم مع فلفل رومي صغير ثم نضيف له دجاج مقطع صغار
وجزر مبشور ومشروم وبهارات ايطالية ( اوريقانو – ريحان مجفف )
نقلبها ع النار لين يستوي الدجاج وآخر شي نضيف كزبرة خضراء
* نسلق الباستا أي نوع ونصفيها من المويه ..
* في الخلاط [ صلصة بيتزا جاهزة أو تسويها في البيت – قشطة – 2 م جبن سايل ]
* جهزنا كل شي الحين نخلطهم مع بعض [ الدجاج – الباستا – الصلصة ] ونخليهم ع النار 10 دقايق
حتى تتسبك الباستا مع الصلصة وتاخذ النكهه ..
نشيلها من النار وترش بجبن شيدر أو موزاريلا واوريقانو
فوتشيني بدجاج ألفريدو
كيس مكرونة فوتشيني بالسبانخ أو عادية
تسلقينه بمرق دجاج وشوي زيت وملح [ ممكن تسلقيها بموية مع ماجي بس المرق اطعم ]
تقريبآ 10 دقايق ثم صفيها من المويه وخليها ع جنب ..
– نجي للدجاج / نحمس ثوم وفلفل رومي مكعبات ثم نضيف له صدور دجاج مقطعة صغار
ونقلبهم ع النار ونضيف بهارات انا حطيت [ زنجبيل بودرة – ريحان مجفف – ملح -فلفل اسود ]
نتركه ع النار 10 دقايق ثم نضيف المشروم ونقلبه دقيقتين ونشيله من النار .
– في قدر نحط كريمة الخفق المراعي حجم وسط مو كلها تقريبآ ثلاث ارباع العلبة [ حسب كمية الفوتشيني ]
ونتركها تغلي مع تتبيلها بفلفل اسود وملح وشوية زنجبيل وبهارات ايطالية
نضيف الفوتشيني بعد تصفيتها من الموية والدجاج ونقلبهم برفق ونخليها ع نار هادية 5 د عشان تتشرب الطعم
آخر شي نضيف لها 2- 3 م جبن سايل أو شيدر مبشور أو موزاريلا
[ وممكن تسوي ميكس وتضيفيهم كلهم ألذ ]
شيليها من النار ورشي اوريقانو
كيس معكرونه- كريمه- معجون طماط..
بصل طماط فلفل بارد جزر مبشوربقدونس مفروم شبت مجفف مكعب ماجي
جبن شيدر..
انفوور المعكرونه واخليهاا ع جنب
نحمس البصل والفلفل البارد والمكعب الماجي
لين يذبلون ونضيف الطماط والبقدونس والجزر والشبت و رشه قليله من الملح
عقب نضيف البهارات المشكله والفلفل الاسود
ومعجون الطماط
ونضيف نص استكانة ماي ع الحمسه
ونضيف المعكرونه ونخلطها مع بعض
عقب نضيف الكريمه
ونبشر الجبن كرافت فووق المعكرونه
مجرد مايذوب الجبن نسكر ع النار
النتيجه النهائيه للطبق..
جربتها وطلعت جنااااااااااان
وصحة وهنا 