حبيباتي ممكن تكتبون لي طريقة الخنفروووووووووش ولو بالصور بيكون احسن
وتسلم ايادي من رد علي وخطف ع الموضوع
ان شاء الله البنات يفيدونج حبيبتي ^^
إن شاء الله حد يفيدنا
بخبرج بطريقتيه وبتلقين صور في النت
المقادير
1 كوب طحين رقم واحد
1 كوب سميد ناعم , لازم يكون ناعم مب خشن
1 كوب سكر( ع حسب اذا تبينه حلو )
2 ملعقة بيكنغ بودر
2 بيضه
3 ملاعق حليب بودر
نصف ملعقة كستر بودره ليعطي اللون
ربع كوب ماي ورد تقريبا منقوع بزعفران
هيل مطحون ناعم ..
ملعقه زيت نباتي
قليل من الماء لو احتاي
اول شي خلطي كل المقادير الجافه مع بعض
ضربي البيض وضيفي عليه كل االمقادير
بتطلعلج العجينه مثل عيينه اللقيمات بس اثقل شوي
خلي العجينه ترتاح ربع ساعه
هاتي مقلى تيفال عاددي شرات مقلى البيض ،،
وحطي زيت نص المقلى مب وايد عسب نقلي الخنفروش لين ما يحر الزيت وخليه ع نار هاديه
وعقب عادي شلي من العيينه شوي بايدج وحطيها في المقلى
او اذا تبين الملعقه المتوسطة بس احس انه بالايد افضل تقدرين تتحكمين اكثر
حطي كمن وحده في البداية بتلاحظين الطروف استوت بينه هنيه جلبيها ع السريع
اذا تبين فوقها سمسم نثري السمسم قبل ما اتجلبينها
وخلاص لما اتشوفين الصوبين استوت بنيه طلعيهن وحطيهن فوق كلينكس علشان يمتص من الزيت
وخلصنا ،،
ان شاء الله اذا فضيت بسوي موضوع عن الخنفروش بالزعفران اللذيذ
موفقه
وشكر خاص لاختي الهنود