هلا حبيباتي
شحالكم الغاليات
اليوم والله جت في بالي هالأكلة الي من زماان ودي اتعلمها بس ما كانت من اهتمامي لانه بيت نسايبنا تعجبهم ودائما يمدحونها لي بشكل يخلي الواحد يشتهيها لانه جيرانهم يسووها بشكل يومي ويرسلون لنسايبنا ويكلموني عن هالاكلة انها لذيذه فقلت لازم اجربها واشوف كيف بتطلع ؟
ودورت في الانترنيت الطريقة من احداى المواقع اليمنية طبقتها وقلت لازم اعرضها عليكم يمكن تحبون تجربونها 
المقادير
4 كوب طحين ابيض- ملعقة خميرة- ملعقة صغيرة بيكنج بودر – ربع كوب سمن او زبدة او زيت –- فنجان شاي سكر – ذرة ملح- حبة سوداء – كوب وربع ماء دافيء مو حار !!
الطريقة :
نعجن كل شي والماء اول شي كوب نحطة وبعدين نشوف لو احتاج للباقي لانه على حسب كل كوب في الاستخدام ونخليها لمدة ساعه
وبعد ما نعجنها نكورها ونتركها في صحن كبير نرش عليه دقيق شوي لمدة ربع ساعه
بعدها ندهن الصحن بالسمن او الزبدة ونمد كل قطعها ونمدها ونحطها في صحن مدهون بالسمن او الزبدة ونرش عليه شوي طحين
ثم نضع كل عجينة مديناها ونحط فوقها سمن او زبدة ونرش عليها حبة سوداء ثم نضع العجينة التي نمدها ثم نحط فوقها السمن او الزبدة ونرش فوقها الحبة السوداء وهكذا نعمل لين تخلص العجينة التي نمدها وآخر شي نحط فوقه بيض انا بصراحة ما احب البيض حطيت حليب ثقيل .
وبعدها بهذا الشكل تطلع
هنا قبل ما احطها في الفرن
وهنا بعد ما طلعتها من الفرن وما شاء الله انتفخت
وبالعافية عليكم
وطلعت واااااااااااااااايد حلووة العجيبة لذيذه وحطيت فوقها عسل واكلها بالعسل احلى
جاري التجربه ان شاءالله
ووآيد سهـله العجيـنه ^^