مرحبا خواتي
اليوم يبتلكم طريقة عمل فطاير افخاذ الدجاج روووووووووعة
مقادير العجين:
2ونص كوب دقيق
1 علبه لبن زبادي
1 ملعقه كبيرة وشويه خميرة فوريه
1 ملعقه كبيرة وشويه بكم بودر
ربع كوب زيت
نص كوب لبن سائل
ملح
3 ملاعق كبيرة سكر
نعجن مقادير العحينه عدل اذا عجنتيهم بالعجانه شي طيب اما اذا عجنتيها بايدك اعجنيها زين ما زين وتقريبا تمي اعجني فيها 4 او 5 دقايق لين ما تصير العجينة لينه
بعدها كوري العجينه ودهنيها بزيت وخليها ربع ساعة او اكثر مو مشكلة
او اي عجينه انتي تسويها للفطاير وتضبط معاك
بس انا اسوي هذه العجينه في كل معجناتي وتطلع نفس القطنه وااايد حلوة وما تشرب زيت انا خذيتها من منتدي ثاني جزاها الله خير اللي خذيت منها الطريقة وانا بكتب اسم المنتدي بس ممنوع عندنا اعتقد بس اسمها هي "شذاااااااوي"
الحشوة:
ونجي حق الحشوة "او اي حشوة انتي تحبينها "
تيبين دجاجه وتخلينها في ماي وتحطينها في النار لين ما تنضى وتتطلعينها وتفتتينها
وتيبين بطاطا تقطعينه مربعات صغار وتنقلي بالزيت
وتقطعين بصل صغير على كيفج خذي بصلتين متوسطات وفرميهن صغار
وبقدونس مفروم "شوي "
فلفل رومي
ملح وفلفل اسود وكمون
زيت
تحطين الدياي وتحمسينه بالزيت لين ما يصير لونه ذهبي وبعدها تحطين البهارات والملح وبعدها البصل والفلفل الرومي والبقدونس
وبعد ما تبرد الحشوة تحطين البطاطة وتخالطينها
وهذي صورة الحشوة
مو شرط تسوين نفس الحشوة تقدرين تزيدين وتنقصين في المقادير مثل ما تبين بس هذه الحشوة اللي مسوتنها رهيييييييييييييييبة
وتقطعين بطاطا بطول وتقليهن بالزيت " لاتحطيه في الخلطة لانه حطينا البطاطة المقطة صغار
ونتغميس :
بقسماط وبيض
تخفقين 3 بيضات في طاسه بالخاشوقة وتحطين في صحن بقسماط
وبسم الله نبداء بالتطبيق
طبعا تدهين النشاب واللي بتمدي فيه بالزيت وبعدها تاخذين شو من العجين وتمدينها وتقطعينها مربعات مثل اللي بالصورة
وبعدها تحطين على الطرف اصابع البطاطة وشوية حشوة مثل اللي بالصورة
ونلفها اول شي من وين البطاطة مثل اللي بالصورة وبعدين من فوق
شوفو كيف السهم الاحمر تيبينه من فوق وتلفينه فوق ما لفيتي البطاطة وتصكرينه عدل بيصير مثل فخاذ الدجاج
شوفي كيف صارت مثل فخذ الدجاج
وبعدها نحطها بالبيض " من الافضل تستخدمين فرشاة" وتمسحين الفخذ بالبيض وبعدها تحطينه بالبقسماط نتابع بالصور
شوفو كيف لما غمسناها بالبقسماط كيف صار شكلها
وبعدها نقليها بالزيت لين ما تحمر وتطلعينها وتخطينها بورق تنشيف او في اللي تصفي فيها العيش
شوفو كيف صارت
وهني وعافية على قلوبكم والله طلعت رهيبه كانو ياينا ناس وانا سويتها لهم تخبلو عليها هشة من الداخل ووااايد حلوة
واللي تجربها ما بتندم بصراحة
واي استفسار انا حاضرة على الخاص
ودعواتكم لي ولعيالي بالصحة والعافية
وهذي مواضيعي القبلية
فطير مشلتت لذيذ لأصحاب الرجيم و الكولسترول "بالخطوات المصورة" من مطبخ ahaat_2015
https://forum.uaewomen.net/showthread.php?t=596153
يبت لكم طريقة عمل الكريب بالصور + مواضيعي
https://forum.uaewomen.net/showthread.php?p=17423126#post17423126
طريقةالبراتا الهندية بالخطوات المصورة حياكمالله
https://forum.uaewomen.net/showthread.php?t=473950
ملف شامللانواع الصلصات الحاره والبارده….ارجواالتثبيت
https://forum.uaewomen.net/showthread.php?t=339447
اللي تبيتتعلم طريقة عمل الخبيص الاماراتي حياهاالله
https://forum.uaewomen.net/showthread.php?p=16336449#post16336449
اسياخالدجاج بطريقتي حياكم وبالصور…
يبتلكماليوم طريقة عمل الجباتي سهلة وبالصورحياكم
https://forum.uaewomen.net/showthread.php?t=375902
واتمنى من كل وحده تدخل مواضيعي تدعيلي بدعوةحلوة
وتريوني
في امان الله
روعه
ربي يوفقج دنياا واخره
