طريقة عمل كيكة الطبقات بالصور . 2024.

السلام عليكم ورحمة الله وبركاته….

الكيكة هذه سويتها خصيصاً لربعي في الدوام…

كوب طحين
ثلاثة أرباع الكوب سكر
كوب زيت
3 بيض
ملعقة بايكنج باودر
واحد حليب أبوقوس
شوية فانيليا
شوية ملح

1 قشطة
3-4 ملاعق زبدة
ربع كوب سكر

يخلط البيض والسكر والفانيليا في الخلاط الكهربائي. ثم يضاف باقي المقادير وتخلط.

تحطين شويه من العجين في القالب وتدخلينه الفرن (تشغلينه من تحت بس)، لما يستوي من تحت تسكرين الفرن من تحت (خلاص ما بتشغلين الفرن من تحت مرة ثانية) وتفتحينه من فوق، تضيفين كمية ثانية من العجين وتدخلينه الفرن وتخلينه لمده 5 دقائق.. لما تستوي بنية من فوق تطلعينها من الفرن وتحطين كمية عجين ثانية وهلما جراً لين تخلص الكمية (حاولي ان الكمية ماتكون كبيره علشان تستوي معاج طبقات وايده)…..

توضع الزبدة في المقلاه ويضاف السكر… لما يستوي لون السكر ذهبي حطي القشطة (خذوا بالكم لان بيطاير عليكم)….

تغطى الكيكة بالتوفي وتزين على حسب الرغبة… (انا زينت بالفستق المطحون)…

الطريقة واضحة بالصور…

ان شاء الله تعجبكم وتعجب ربعي في الدوام…

وبالعافية عليكم…

حياكم الله..