خواتي اليوم يبت لكن طريقة وااايد روعة في الإستغفار .إن شاء الله الكل يستفيد منها(يمكن تكون الطريقه موجوده عند بعض الأخوات ):
بصراحة هذة الطريقة قريتها في الإيميل وسويتها في تليفون أمي وخواتي والأهل والحمد الله الكل مستفيد منها وهى طريقة عجيبة للتذكير :
إليكن الطريقة
كل وحدة تفتح الموبايل مالها وتختار الساعة وبعدين تختار المنبه وبعدين تضغطين على خيارات وتختارين منبة جديد وتكتبين الوقت اللي تبينه للتذكير وتنزلين تحت عند الوصف وتختارين الذكر اللي تبينه مثل استغفر الله العظيم 50 مرة وبعدين تزلين تحت عند التكرار وتختارين يومي.(يجب مراعاة الإختلاف بين الموبايلات لأن كل موبايل وطريقته )
بالنسبه لي تليفوني مرتبه فيه من الصبح للمساء وفيه تقريبا معظم الذكر اللي يقال يوميا مثل:
# استغفر الله العظيم 100 مرة(أكررها أكثر وحدة يمكن 10 مرات ).
# الصلاه على سيدنا محمد صلى الله عليه وسلم .
# لا حول ولا قوة إلا بالله.
# لا إله إلا الله وحده لا شريك له له الملك وله الحمد.
# الحمد لله حمدا كثيرا طيبا مباركا كما يحب ربي ويرضى.
# لا إله إلا أنت سبحانك إني كنت من الظالمين أستغفرك واتوب إليك.
# سيد الإستغفار .
في نقاط أريدكن تراعنها
* عند وضع النغمه الخاصه بالتذكير حبذا لو يكون صوت التنبيه صوت طير مثلا أو أي شئ بس المهم ما يكون غنى أو عزف والأهم يكون صوته هادئ غير مزعج للآخرين.
*عندما يصيح المنبه بيكون عندج خيارين غفوه أو إيقاف الأحسن أنج تحطين غفوه علشان تردين تذكرين الذكر مرة ثانية.