قبل ما نعطيكن الوصفه يالله تفضل بفنيال قهوه ووتمره يعله بالعافيه
المقادير
حب الهريس
نصف كيلو لحم او
تقريبا 3 ديايات
وسمن
ملح
الطريقه
اولاً يجب نقع حب الهريس في الماء ويفضل نقعه ليلاًً
نضع نصف الكيلو اللحم في الجدر الخاص للهريس ويفور في الماي وكلما تشوفين ضهرت
ريم اللحم(زبد الي يطلع يوم يتفور اللحم) نشيلهابالملعقة ويوم نشوف ان اللحم انطبخ وبدا بالتفتت نحط حب
الهريس بعدها الملح وتذوق اذا يحتاي زيادة من الملح ولا لا ولا ننسى كل مرة نخلط
حب الهريس فيا اللحم عدل عسب ما يحترق اللحم في قاع الجدر ويوم نشوفه انطبخ
انزل الجدر تحت ويضرب بالمشعاب ( العصا) ويفضل ضرب الهريس يوم يكون حار
حتى يسرع من عمليه ضربه او ضرب الهريس بالاله الكهربائيه وانا ما افضلها
لانها تخلي الهريس ناعم ثم يغرف في الصحون ويرتب الهريس بقفى الملاس او
الملعقه بوضع شوي من السمن عليه ثم تعمل حفرة في وسط الصحن ويضع فيها
كميه من السمن
يم يم شكله حلو
هني و عافيه
صراحه خاطري اجرب الهريس ها السنه…
يعطيج الف عاااافيه…
والله انج شهيتيني شكلي بيرب اسويه الحين قبل رمضان
تسلمين يالغلا ويزاج الله خير