طـــريقــة عمــل القــرصان بالصور 2024.

بما اني ضيفه جديده عندكم قلت اقدم لكم طريقة عمل القرصان السعودي اكله شعبيه عندنا وخاصة عند
اهل نجد وهذي الاكله مشهووووره عند شيابنا لانها تعتمد على الدقيق الاسمر (البــر ) وهذي هي الطريقه :

المقادير
عبارة عن
دقيق اسمر او دقيق بر
هذي صورته وصورة الوعاء المستخدم

ثلاث تقريبا او اربع او حسب الكميه اللي تبغين من الدقيق الاسمر بحجم الوعاء اللي في الصورة

بيضة واحدة

شوي ملح
فنجال سكر او بدون حسب الرغبه
اذا عجنتيها من بدري مثلا العصر ممكن تستغني عن البكنج بودر والخميرة
اما اذا عجنتيها بدري ضيفي لها ملعقه اكل بكنج بودر اوخميرة

يتم اضاف الماء عليها اهم شي يكون الماء بارد مايكون حار لأنك اذا اضفتي الماء الحار خربت العجينه لأزم يكون بارد يعني اقصد مو مفوح

هذا الدقيق بعد اضافه الماء عليه

ثم اضافه الحليب
طبعا كميه الماء والحليب حسب الدقيق المستخدم يعني لأزم يكون قوام العجينه مناسب
ممكن تستغني عن الماء وتكتفي بالحليب وبرضو ممكن تستغني عن الحليب وتكتفي بالماء او ممكن تستخدمي الاثنين مثل ماتشوفون

بعد اضافه الملح والبيض والسكر نبدا بتحريك العجين حتى يصبح قوامه مناسب يكون اخف شوي من الكيك زي البان كيك تقريبا لاتثقلينه ولا تخففينه

وهذا قوام العجين واضح بالصور

وهذا شكل العجين النهائي

ثم نقوم بدهن الحديدة بشوي زيت اذا كانت من النوع اللي يتلصق

ثم ندهن الحديدة زي ماتشوفون ونتركها حتى تكون الحديدة حارة

شوفوا في الصوره اضفت العجين والحديدة باردة استعجلت عليها فما

ظهرت لي الفقاعات اللي تدل على ان الحديدة حارة

اضفت العجينه بعد ماحميت لي الحديدة

شوفوا الفقاعات في الصورة دليل على نجاح القرصان

بعد ظهور الفقاعات ننتظر شوي ثم نقلب القرصان مع الجهه الثانيه وهذي صورتها من جهتين

يكون عندي وعاء زي ماتشوفون
وكل مانضجت عجينه القرصان اضيفها له

وتقدرين تسوين عليه اضافات مثل قرصان بالبصل والطماطم يعني تقلين البصل والطماطم مع بعض
وتضيفين معهم نص ماجي وبعدها تحطينها فوق القرصان

او مع لبن
وتقدرين انك تسوينها بالحجم الكبير

وتقدرين بعد تسوينها وبعد كذا تفركين القرصان وتضيفين معها العسل

وصحة وعاااافيه