طفل التوحد لو حصل على رعاية تامة شاملة مكثفة من البداية من قبل المقربين منه وخاصة الام ( مع ملاحظة بعد الخدم عنه نهائيا ) يعني الام تاكله تشربه تلبسه تغسله كل شيىء من الالف الى الياء ويشعر الطفل بوجودها وملازمتها لو وممكن والده او اخوانه يساعدونه فقط والام تحاول تكون ملازمة له 24 ساعة او اهله وتحاول تحاوره وتشجعه انه يرمس ويعبر مب شرط كلام باي طريقة لكن يعبر وتحاول تتواصل وياه بعيونها يعني تقرب راسها من راسه وتخلي عينه في عيونه وترمسه وتلمس ايدها ايده او تحسس عليه عسب يحس بلمسها له وتحاول تجذبه بعينه وينتبه لعينها وبعدين ويوم يبتدي انه ينتبه تزيد المسافة مابينهم بعدا في النظرات اذا انتبه وتدربه بها الطريق يعني تحاول باللمس والنظرات والحديث تحتويه لان مستويات التوحد عندهم مختلفة وكل شيىء عند الله ممكن ولو يتعبون الاهل من البداية شوي بيرتاحون في النهاية ولاتخلون الطفل وحيد او منزوي دايما اشغلوه لكن بكم مب بالخدم
مثال : طفل عيونه في مكان او شاخصة وتشوفينه كانه في عالم ثاني وساعات ممكن يدور على عمره وايد ويحرك ايده بنفس الاتجاه يعني ماسك حركة معينة ويعيدها او يردد كلمة وحدة بروحه تحسين فيه انه في عالم ثاني لو ترمسينه او غيره مايستجيب اهني حاولي تلمسينه بهدوء وحنان وتقربين منه براسج وتقربين عيونج في عيونه لين ماتحسين انه بدأ ينتبه لج اذا ما انتبه زيدي من حنانج حاولي تقربين صوتج له وتلمسينه تمسحين على ايده يعني بكذا طريقة مضمونها نفس الفكرة ، يعني كان الطفل في عالم اخريرى اشياء غير مرئية لنا وانتي تحاولين تقتحمين هذا العالم الغير مرئي وتمدين يديك لطفل لتعيده الى عالمك هذا مثال ،مع الوقت ممكن تلاحظين انه بدأ ينتبهلج ممكن يحاورج ويستجيب لج يوم يكون بحالة التوحد ولو كثرتي من تدريبه ورعايتج ممكن تحسين انه نجح في التخلص من الحالة وكل شيىء عند الله ممكن بس شوية صبر ونية صادقة ورعاية عاطفية بما تعنيه الكلمة سبحان الله ممكن يصير المستحيل ممكن والله يحفظ كل الابناء
بس انا سمعت انها جينات ؟؟
مب متأكده
الله يستر على عيال المسلمين أجمع