السلام عليكم ورحمة الله وبركاته …….. صديقتي متضايجه ولدها عمره حوالي شهر ونص واثناء الحمل قالوا لها ان يمكن في مشكله في كلى البيبي …. وبعد الولادة سوت أشعه له وقالوا ان في اتساع في مجرى الكليه اليمين بحوالي 10 مليمتر يعني تقريبا 1 سم والمهم الدكتور عطاها سببين لذلك اما يكون في إرجاع في البول او انسداد في المجرى فقرر يعطيه مضاد حيوي لحد عمل أشعه ملونة للتأكد من السبب ،،،،،، ملاحظة صحة الطفل ما شاء الله وايد زينه والتبول أوكي وامه وايد محتارة … فاللي عنده خلفيه عن الموضوع يا ليت يساعدنا من فضلكم. مثلا هل هالشيء عادي او في دكتور تقدر تراجعه غير مستشفى الوصل او ما اعرف ؟؟؟؟ وجزاكم الله الف خير *
ربي يوفقج أختي
والله يشفيه ويعافيه
تسافر بالولد تكشف عليه برا ، بدال ما يلعوزون البيبي … عقب ما ينفع الندم …
ما زلت اعتمد على آراءكم وما في مشاركات وااايد
حبيبتي لا تخاف ولا شي
الحمد الله والشكر
بنت اخوووي قالولها نفس الكلالالام وعندها تضكم في الكلي
وماشاء الله البنت عمرها سنه ونص الحين
وووالله يعزج البول تمام ويااها وكل شي اووك
بس خلي ام البيبي تهتم بمراااجعاته
انا بنت اخوي كل كم شهر موووعد واحيااناا يسون لها منظااار
عسب يجوفون التضخم زاايد ااو مثل ماهوو
والله يشفيهم ان شاء الله ووووان شاء الله نجووفهم معاريس
وطمني ربيعتج ووووقوليلها ان شاء الله ماافي شي يخوووووووف
لاتخافي يمكن عيب خلقي غير مؤثر يعني لا يضره ولاشي ويمكن الاطباء بس يبو يتاكدو اذا بيتم ع حاله او يتضخم زياده وان شاء الله يكون عرض عادي وسليم الله يشفيه ان شاء الله .