وباكتبلكم طريقة بيت أمي…لأن كل بيت وطقوسه مع ان الأساسيات واحدة
بسم الله نبدأ
1-لازم النفاس ما تجيس اي شي بارد…أبداً…اتكون بزلاغ، ومتشيلة عدل بحيث الهواء ما يجيس اذنها ولا يدخل هواء وتلبس صروال راص فيها.
2-اتشد بطنها عدل بس مو بمشد يطلع روحها لأن لازم الرحم يبا يرتاح…يعني في ناس مرة يصقون البطن بالظهر جي غلط وباتجهدين رحمج. في نوعية من الداخليات عزكن الله ايكون بمشد ويكون طويل لي الفخذ هذي احسن نوعية انا استخدمتها.
3-تحاول أنها ما تشرب بارد، كل اللي تشربه انواع الشوربات والمرقات، اللي ما يخصها في الغازات…يعني هو شوربات شعير وقمح هذيل بيضرونها وبيضرون البيبي…
4-عند غسل المنطقة الحساسة ادخل وياي مسج مطحون، لبان طبيعي،
الطريقة:-
يبي مبخرة عريضة (علشان اتدش السيفون بدون ما تجيس الماي، يعني تسده)او صحن بس يكون المنيوم أو حديد بحيث يسد البلاعة عزكن الله
حطي عليه فحم+مسج مطحون+لبان
يلسي على السيفون لمدة 5 دقايق(يبي جريدة ولا مجلة وياج):1 (6):
يساعد على تماسك وشد الأعضاء التناسلية من الداخل ويساعد على تنقية الرحم من الهواء الغير مرغوب فيه وايضا يساعد على تعطير المنطقة وتطهيرها من الجراثيم
وبعدها يبي مسج (نفس الطريقة اللي وصفتها الأخت بنت زايد اضغطي هنا)
في حالة الخياطة هاتي ملح طبيعي (عند العطارين مال البحر) تغسليبه في المنطقة الحساسة أو سويبه حمام مائي ويلسي عليه…ترا ملح البحر يساعد على التئام الجرح بسرعة وبنظافة.
5-المسح…والكثير يبون يعرفون شو سالفة المسح
أنا اييبها في اول الأيام كل يوم، عقب عشر ايام من الأولادة اييبها كل 3 ايام لأن العملية مجهدة…واتعور…وبعد عشرين يوم من النفاس اييبها في الأسبوع مرة…
اتيي الحرمة اللي تمسح تحاول ترفعلج الرحم، واتدلك عضامج عدل عسب اتطلع الهواء كله من الداخل، ترا لا تستهينون في الهواء…هو اللي اييلج الم الظهر في النفاس وبعد النفاس وهو اللي يغثج وقت الجماع بحيث يطلع منج بشكل يفشل جدام زوجج فتحملي…
6-تنقي اكلج مثل ما قلتلج وكثري في السوايل الدافية وكثري من الخضراوات والفاكهة بس قللي من الخضراوات اللي اييبلج الغازات مثل اللوبياء والبازيلا والخس.
7-تعني بمظهرج بحيث يوم ترجعين لزوجج اتكونين أميرة، استخدمي كل خلطات الشعر اللي فيهن ريحة (استغلي فرصة انه بعيد منج) واللي اتفيد…
8-ويهج لا تنسين نضارته…امبونج تستردين النضارة لكن مع العناية فتكونين ملكة…انا اييب قوطي (فيتامين اي من بودي شوب اخلطه مع اويل اوف يولاي لتفتيح البشرة) في عشرين يوم بس أطلع :1 (32):
وبعد كل هذا ادعولي بالصحة والعافية وبالذرية الصالحة وأني اربي واقوم بالسلامة يا رب
و الدخون فاي ايام نستخدمه الايام الاولى او الاخيره …
المشاركة الأصلية كتبت بواسطة أم سلامه2006 
و الدخون فاي ايام نستخدمه الايام الاولى او الاخيره …
تبييض المنطقة الحساسة ما عندي
أما شغل تبخير المنطقة الحساسة هذا اسويه الصبح يوم اتسبح بعد السبوح على طول
أما لو تطرين الدخون البخور المعطر تستخدمينه في الأيام لعادية بس ما تتنشقيه خصوصا اول الأيام علشان الريحة والكيماويات
بس انا مافهمت النقطه الرابعه .. يعني انتي تسوين دخون من المسج واللبان وادخنين من تحت وهالشي مايضر لاني اول مره اسمع به
عن طقوس بعد الولاده واتجارب الحريم…