لاحظت في هالسنوات الاخيره ظاهرة يمكن كانت موجوده بس الحين انتشرت بشكل كبير، ألا وهي اتكال الزوج على الزوجه في نفقات البيت، دفع رسوم مدارس الاطفال، مصاريف البيت اذا اتكسر شيء او نقص شي هي تدفع، مافي حليب او بامبرز هي اتسير تشتري ،والزوج مش مهتم ومرتاح، ويوم سألتهن يقولولي ان رياييلهن يتضايقون ويقولون ظروفهم تعبانه بس ما امقصرين على زيارات الكوفي شوب والربع.
انا ما اعمم ولا اتكلم عن جميع الازواج بس اشوف زادت نسبة الرياييل اللي حريمهن يشتغلن يخلونهن يدفعن لكل شي ..
يا انهم يوفرون بيزاتهم للسفر مع ربعهم
او انه يلعب في بيزاته في اشياء تافهه
واذا الزوجه عودت الزوج على هالشي
خلاص يصير اتكالية وكسل
ويمكن الحرمه لما تقول له زيد مصروفي ما يزيد ويتكاسل
عسب جي تلجا الحرمة انها تشتغل ويكون لها مصروفها الخاص بدل المذله وتخدم نفسها بنفسها
وايام تكون المادية صعبه وما نعرف بالظروف بعد
هذا والله اعلم
برايي مافيها شي ان هي بادرت بحدود 
لكن استغلالها والإتكال الكلي عليها
ما يرضي رب العالمين إلا إذا هي من طيب خاطرها
والله يصلح النفوس
ومن تحب خلااااص ما تشوف شي
ولي في جيبها تدفعه بحجة الحاجه الماديه للرجل وهو عارف كيف يلعب
عليها بكلمتين حلوين يفر قلبها والعقل عندها في اجازه
والرجل اصبح اتكالي بسبب المراه وعملها وهذي الظاهره انتشرت بعد نزول المرأه لساحة العمل
وغير البنت الي تشتغل وتصرف على شاب على امل انه يتزوجها
سوالف تشيب راس الصغير يوم نشوفها ونسمعها
موضوعج غناتي قوي الصراحه
