شحالcom
حريم خبروني كيف تتعايشون مع ظغط الياهل وخصوصا البيبي الصغير؟؟احس فيني ظغط نفسي فظيع خصوصا انا بيت بروحي والاخ ماييساعد الا بالسنه حسنه
واحس كل شي فوق راسي ووصلت لحد ان فيني كبته دموع مب قادره اضهرها ابى
اطلع الصالون ارتاح لان من اروح الصالون ارتاح شوي بس الاخ يطنز علي ومب
طاييع ’’ على الاقل لو كان يساعد كان الامر هين بس والله تعبببببببببببببببببببت
تعببببببببت ’ منو منكم وصلت للمرحله هاذي؟؟؟
ولهت لكل شي قبل الحمل ولكن الحمدلله هاي نعمه الواحد مايترفس فيها بس
احسسسسسس اني ضااااايقه حيل ومب قادره اتاقلم على الاقل يخليني اطلع والا اروح بيت ربيعاتي مكتومه فالبيت
يوم كان عندكم ياهل طلعتو عادي والا مظغطوين ؟؟
كيف كل وحده تفرغ همها شوي خلو القران بصصوب والدعاء هذا اول شي
بس كيف تقدرون تمتصون ظغطكم شو تسووون ؟؟ كل وحده وطريقتها
انا صالون
احين فيني صيحه ابى ابجي وبسسسسسسسسسسسسسسسسس
السلام عليكم ورحمة الله و بركاته
هلا و غلا بالغالية
حبيبتي فيه حريم يعانون بحالة اكتئاب ما بعد الولاده و نسبة عن نسبة تختلف
وانا قريت إن اللي ترضع ولدها بروحها يكون اهون عليها لأنها تحس بالثقة بالنفس وإنها قد المسؤولية فانت لا تقللين من نفسج وكوني واثقة بأنج ام و هالبيبي يحتاج لج عيشي الامومة وتخايليه يوم بيكبر وناسه
بسم الله الرحمن الرحيم السلام عليكم ورحمة الله و بركاته
هلا و غلا بالغالية
حبيبتي فيه حريم يعانون بحالة اكتئاب ما بعد الولاده و نسبة عن نسبة تختلف
وانا قريت إن اللي ترضع ولدها بروحها يكون اهون عليها لأنها تحس بالثقة بالنفس وإنها قد المسؤولية فانت لا تقللين من نفسج وكوني واثقة بأنج ام و هالبيبي يحتاج لج عيشي الامومة وتخايليه يوم بيكبر
والله وناسه حاولي تغيرين مو ع طوول بالحجره يوم بينام الياهل سيري قعدي ويا ريلج اتصلي لهلج لربيعاتج هالفتره ما بتقدرين تطلعين وايد إذا كنت ترضعين من صدرج المهم قول لهم يزورونج ف البيت يونسونج و تكشخي و كل يوم من تصبحين الصبح تففائلي فيومج و حطي لج جدول ابدي بتمارين البطن و كيجل طلعي الياهل من الحجره يقولون ذكاء الطفل ينمو كل ما تغيرين المكان وتاخدينه اكثر من مكان يشوف الالوان و الاختلافات اهتمي بنفسج شوفي تلفزيون وانت ترضعين ولدج يعني عيشي حياتج زوري انت اهلج و اهل ريلج و اسالي عن سوالف اليهال بتحبين القعده و لا تنسين تجددين حياتج الروحانيه لانها سبحان الله هي انسب الطرق
شهيق ه
وبعدي عايشه نفس الضغط
على قولتج حتى الصالون بطلوع الروح اسير له
.gif "12 (15)")
لما ربيت …انحبست 40 يوم كامليييين حتى الحوش ما كان يخليني أطلع (المشكلة الحريم الكبار زارعين في راسنا ان هب زين تتطلعين وانت في الاربعين)
هم يخافون اتيج حمى النفاس ولا شي…بس هذا مب معناته ان ما نطلع
والله اني شفت وحده أجنبية معاها بيبي صغنووون في المول … ولما سؤلوها كم عمره قالت باجر بيكمل أسبوع 
هاذوا هم يطلعون ويستانسون ما صار بهم شي… ولا نحن اجسادنا غير !!!!!
تعبت ويلست أصيييييح ولا شي فايده
.gif "12 (4)")
وانا ولدي كن بس يرضع مني
يعني لو فكرت اطلع واخليه اي مكان مستحيل
اول 3 شهور ما قدرت اروح مكان الا وياه
ومن دخلت الصناعي شوي ارتحت
يعني بينام 3 ساعات اشغلهم بشي مفيد في البيت
واذا عندج حد من اهلج قريب وديه عندهم لين ما اتخلصين الصالون وردي
ولو عندج خدامه وديها تمسكه عقب ما تطمنين على رضعته وتبديله
يمكن انتي اول بيبي
حاولي تشدين على قلبج شوي وخليه عند خواتج وروحي الصالون ولا النادي وخذي موعد مسبق عشان ما تتاخرين
حاسه فيج اول فترة من اصعب الفترات
الله يهون عليج
هنووده