خواتي الحمد لله وبعد طول تخطيط وترتيب قررت ان شاء الله اني اسافر استراليا هالصيف انا وزوجي وعيالي
سفرتنا ن شاء الله بتكون على طيران الامارات ودايركت مافيها ترانزيت يعني 14 ساعه متواصله
بنتي عمرها 4 ونص وولدي ثلاث سنوات وما شا ءالله عليهم حركييين وشياطين – الله يحفظهم –
محتاره اودي بشكارتي ويايه ولا لا ؟؟؟
ريلي مقتنع نوديها يقول اذا بغينا نطلع وقت متاخر بنتطمن انها وياهم وما بنلعوزهم ويانا !! واذا بغينا نركب الالعاب بنحصل حد ايودهم !!
وان شاء الله على رحلة العوده بننزل تاليند اسبوع فيقول بتريحنا انها بتم وياهم فالليل يوم بنسير السوق لانه عيالي مش م نالنوع اللي يسهر وصعب اغير نظام رقاهم لانه لو شو ما اسوي ما يتمون واعين عقب ال 10!!
وبتساعدنا في شل الاغراض والعربيه وهالسوالف
بس في نفس الوقت محتارين يقول ما بناخذ راحتنا في السكن مع انها في كل فندق حاجزين غرفتين كنكتد وحده لنا ووحده للصغاريه
ما ادري خواتي انصحوني محتاره
انا دوم اسافر واوديهم بس هالمره السفره وايد طوله والرحله بعد طويله
منو جربت السفر ويا الخدامه او بدونها وتنصحني
اختكم ام عبدالله
يسعدني أني أول وحده ترد عليج ، أنا ( وأعوذ بالله من كلمة أنا ) ضد أخذ الشغالات ويايه في السفر ، لأني بصراحة أحس بأمومتي في السفر ، مع أني أتعب ولكن أقول عيالي طول السنة تخدمهم الشغالات ، وهو هذا الشهر الوحيد إلي أتحمل فيه المسئولية كاملة ، وأستمتع بهذا الشي ، لأني آخذ راحتي في كل شي ، ما أحس أني لازم أحسب حساب أن حد موجود معايه.
بشكل عام كثير شفت عوائل خليجية سواء في أستراليا أو أوروبا تاركين عيالهم مع الشغالات ( ما أدري كيف قلبهم بارد ، مايخافون عليهم من المشاكل إلي نسمعها).
نصحيتي لج تسكنين في شقق فندقيه ، تحتوي على الغرف والمطبخ وغرفة الغسيل والمطبخ، يعني فيها كل المستلزمات ، فما تحتاجين تاخذين لبس كثير لعيالج ، بالذات أن أستراليا جوها شتوي ، والملابس الشتوية تعمل وزن في الشنط.
سفره سعيده
والله اوافقكن الراي وما ودي اوديها بس في نفس الوقت اقول انا ابغي استانس والعب
والله محتاره
الحمد لله انا ما أأمنها على عيالي بروحها داما وياها وطول السنه عيالي انا لي اخدمهم الا وقت ما اكون في الدوام
رايكم احترمه وانتظر راي الخوات الباقيات
يزاكن الله خير
خاصة إذا كانوا بعدهم صغار .. أما لو كبار أقدر آخذهم ويايه يتمشون ويسهرون ..
أما بالنسبة للصغار صعب السهر عليهم ..
يمكن خاطري أسهر أنا وبو الشباب أو نطلع فوقت متأخر وهم نايمين ..
أخلي موبايلي عندها ووقت الضرورة تتصل..
وأنا بدوري اكيد اتصل اتطمن على العيال فديتهم بين فترة وفترة ..
وإختلاف الآراء لا يفسد للود قضيه ^_^
تسيرون وترجعون بالسلامة إن شاء الله ورحلة سعيدة مقدماً 
والله طيبتوا خاطري بردودكن
انا اقول بعد جذه
طول السنه دوامات وصدعة راس
على الاقل في السفر برقدهم وبسير اتمشى اريح بالي شوي
وطبعا لا يخلو الامر من التطمين عليهم كل ساعه
بدت توضحلي الامور شوي شوي
انتظر مشاركة الخوات الباقيات
يزاكن الله خير