شحالكم ؟ عساكم الا بخير !!
بغيت اسألكم وين محل عبدالصمد القرشي .؟ لاني وايد اسمع عنه بس ما عرف وين احصله ..!!!
وشي الثاني // شو اقدر اخذ منه ..!! سمعت يقولون مسك اوكيه ..وكيف الاسعار .؟
بتلقينه في المولات الكبيرة شرات اب نبطوطة ومول الامارات واظني دبي مول. وسيتي سنتر يمكن
انا رحت للي في مول الامارات..
واحسن شي عندهم المسك بنوعينه.. السائل (اللي اسمه مسك العروس) والمكعبات اللي اييج في علبة فيها ست حبات
طبعا اللي في علبه اطحنهم في البيت واستخدمهم كمزيل عرق..
والسائل استخدمه مرات بعد السبوح حق مناطق معينه في الجسم ومرات كمزيل عرق 
ومايحرق ولا شي ريحته جناااااان
ومرات المكعب الي طحتنه.. افرك به ايدي وريولي (وهو جاف) والله تطلع الريحة قمممممممممممة في الروعة
واسعارهم الربع تولة لمسك العروس ب200 درهم
والتولة الكبيرة .. اعتقد ب2000.. انا شريتها ايام التنزيلات ب1000 درهم…
والمكعبات والله مادري اظني العلبة اللي فيها ست حبات ب70 او 60؟؟؟
ماذكر
لاني شريته ايام التنزيلات.. يعني مهرجان دبي للتسوق
فاكيد عندهم الحين خصومات لمهرجان الصيف
ومركز المنار في راك علبة المسك المكعب ب 60 او 65 درهم