شخباركم خواتي
اممم
طبعاَ اللي يدشون الانستقرام و ضايفين اغلب الماكييرات بتعرف اي عدسة اقصد 
سولوتيكا 
الكل هابين فيها الحين و الصراحه انا اشوفها على عيون البنات روووعه و تبين جنها حقيقيه
بس بعد قريت نقد عليها فبعض المنتديات 
و ما شفت حد يبيعها فالمنتدى
المهم
طبعا ما يحتاي اتكلم عن بعض التاجرات 
انا حصلت العدسات يبيعونها فالكويت تقريبا 260 درهم اماراتي
لكن كل اللي حصلتهم فالامارات متفاوتين بالسعر
اللي ب 400 و اللي ب 450 و اللي ب 500 
على شوو !! الا هي عدسه !
طبعا منو قال ما طلبتها من الكويت ؟؟
لككككن اخيس شي يوم تضيفين عالواتساب و ترمسينهم و يطلعون لج مليون سبب وسالفه .. و اتريي مب احين دور الطلبات الخارجيه ووووالخ 
عشان جي ما قمت اضيف اي تاجره بالواتساب ..
و في بعضهم يقولون اذا ما تبون تشترون منا اطلبوا من موقعهم الاصلي ..
دورت الموقع لين عيزت ما حصلت غير مواقع نفس امازون وجي يبيعونها بالغاالي بعد !
ف يا ريت اللي تعرف الموقع الاصلي لهالعدسات تعطيني اياه لأني جد بخاطري العدسات و ابا اطلب منهم كذا لون بسعر مناسب ..
و مابا اجازف و آخذ من الغالي و ما تعيبني بعيوني !
لأن البعض يقولون اغلبهم كانت واااايد فاتحه على عيونهم عكس اللي يشوفونه فالصور
ف أنا بجرب حبه حبه اذا توفقت فيهم بطلب كذا لون ..
و هذا شكل العلبه ( الاصليه )..
و ترا في الاصلي والتقليد !
هالشي اللي مخوفني اطلب من التاجرات ..
وايد قريت شكاوي ان الالوان تختلف .. وعقب اكتشفوا ان اللي ماخذينها تقليد و القهر ماخذينها بنفس سعر الاصليه !
يا ريت اللي تعرف الموقع الاصلي لبيع العدسات تخبرني و اكون شاكره لها 
و ترا مادري وين احط الموضوع ف حطيته هني ^^
انا ماخذتنهم وروعه على اللبس ويوم شيكت الموقع حسيت ربح التاجرة عادي مب اووفر
خذتهن على 525
حاولت اطلع الموقه من الهستوري ما طلع
المشاركة الأصلية كتبت بواسطة بنت المكلا 
انا ماخذتنهم وروعه على اللبس ويوم شيكت الموقع حسيت ربح التاجرة عادي مب اووفر
خذتهن على 525
حاولت اطلع الموقه من الهستوري ما طلع
لا حبيبتي ما عندي العلبه ، هذي الصورة من النت
انا وايد قريت من بنات ان فالموقع وااايد ارخص ، و ياخذون كميات بعد ..
لأن هي أساسا ما كانت معروفه عقب اشتهرت والحين وايدين قاموا يبيعونها ..
ترا اقولج التاجرات اللي حصلتهم فالامارات يبيعونها 500 وفووق
لكن فالكويت انا محصلتها على 260 درهم يعني نص القيمه
لكن العتب عاللي ماسكين الواتساب و يذلون الواحد لين يردون عليه
انا كلمتهم فرمضان قالوا موقفين ، كلمتهم قبل العيد قالوا عقب العيد ، كلمتهم عقب العيد قالوا بس يومين نستقبل الطلبات الخارجيه وهكذا
المشاركة الأصلية كتبت بواسطة بنت ابوها79 اختي بكم تبعينه انتي
اختي هذا اليوتيوب وحدة عيونها سودة ومجربة نفس العدسة اللي تقصدينها شوفيها الاول اذا عيبتج وحاطة عنوان الويب اللي هي اشترت منه
و الي تبغي تطلب حياها على الواتس اب او الخاص