مرحباا
حريم صارلي مربية شهرين وشوي
فالاربعين احيانا كنت احس بالم اسفل الظهر ع جهة اليسار يتم فترة قصيرة ويروح
من اسبوع هالالم وصل لين ريولي بس جهة اليسار
اختي قالتلي اقري عن عرج النسا وفعلا نفس الاعراض 
الم فظييييع عايشة ع البندول ومن يخلص المفعول اتخبل مب قادرة اتحمل
قريت انه الحجامة مفيدة منو جربتها هل تعور ؟ وايد خايفة بس اقول اتحمل عوار الحجامة ولا اتم بعواًر الظهر هذا
وهل تعرفون وحدة فيها عرج النسا وتحجمت؟
وبغيت رقم حرمة شاطرة وايدها خفيفة
الله يشفيج ويعافيج يارب انا مجربة الآلام مال عرق النسا بس انا ماكنت حامل بس من السمنة اثرت على ظهري وأيد ماكنت اقدر امشي حتى تعبت وأيد اخر شي جربت الحجامة نفعتني واااايد الصراحة تعالجت عند دكتورة ندى في مركز القصيص عيادة الأسنان عندهم قسم الحجامة وأيد زينة والله في دبي وعندج ام حمزة بالشارقة الغذاء الملكي وأيد زينة تعالجت عندها بعد عندها خبرة فعرق النسا شوفي مثلج كنت وأيد أخاف اول مرة لكن شوي شوي تعودت بالعكس ترتاحين بعد الحجامة سبحان الله الصراحة عن تجربة خفت الآلام تدريجيا وقدرت ارجع امشي وأرقد وانا مرتاحة بعد فضل ربي وبفضل الدكتورة والحرمة اللي في الشارقة روحي أنصحج الغالية والله نصيحة روحي بتنفعج الحجامة واااايد ترا انا بعد اكثر عن مرة سويت حجامة مب من مرة ومرتين راحت الأعراض لا يباله صبر وراحة بعد الحجامة عالفراش وحاولي ترتاحين اكثر وودني ريولج في ماي دافيء والبسي دلاغات ودفي ريولج ترا البرد يزيد الآلام حاولي المكيف لا طولين عليه البرودة تزيد ترا عن تجربة الغالية انا عانيت وأيد اكثر عن شهرين تحملي على نفسج نصيحة الحجامة بتريحج الحقي على عمرج الغالية انا أهملت نفسي وايد عسب جذي علاجي طول فالحجامة أتمنى لج الصحة والعافية
ترا بس هي نغزات وبس مب انه الم او شي ما تقدرين تتحملين بالعكس أصلا بترتاحين من الويع وايد ان شاء الله ترتاحين ويخف الويع بعد الحجامة بس بالأول أنصحج روحي للدكتورة ندى لانها دكتورة فالحجامة وايد زينة تاخذين معاج ١٠٠٠ درهم عالاقل بيطلع اقل بس احتياط قولي لها عن الويع وبتنصحج بعد لانها دكتورة تفتح لج ملف بعد فآلعيادة ونظافة فالشغل معداتها نظيفة لاتحاتين توكلي على ربج روحي بس دعوة منج الغالية ربج يمدني بالصحة ويرزقني بالذرية اي استفسار كلميني
تحجمي تحجمي تحجمي
كنت اموت من الالم وماانام وجلسات كهرباء وقرر مستشفى خليفة عملية دسك وهو عرق نسا
فقط جلسة حجامه ب 150 درهم
وتشافيت بفضل من ربي وثم المشرط
صلي الاستخارة وتحجمي
وبالشفاء يارب
لاتساليني وين تحجمت لان الحرمه الحين في الادرن
في امان الله
الله يتم عليج الشفا ان شاء الله
الله يشفيج آمين
الله يشفيج ويعفو عنج
وانا اعرف الالم الي تحسيبه
وانا سويت 3 عمليات في العمود الفقري والسبب عرق النسا
وانا اعرف الالم الي تحسيبه
وانا سويت 3 عمليات في العمود الفقري والسبب عرق النسا
وريلي اليسار كانت تتخدر