تذكرن اول ما ملجنا !!!!
كيف يوم يقولولنا يا ريلج بيسلم عليج !!!
طبعا ندري من فليل
نطلع الف الف لبس
نشوف شو احلى ؟؟
حتى الملابس الداخليه نختارها بدقه !!!
مع ان ما بيشوفها هههههههه
كم مره تفرشين اسنانج وتاكلين حلاو وعلوج !!!
كم مره تضبطين القلوس
وتعدلين الخصله
ويوم تنزلين يالسه تمشين بدلع
وصوت الكعب يصدح في كل مكان !!!
لين توصلين وطبعا مختاره العطر بدققققققه
اتين تشوفينه بنظرات مدربه عليها ساعه ههههه
والصوووت ناعم خافت وهدووووء
والخجل والسوالف الحلوووه
تحاولين تخلين ظهرج يالس
تحاولين تكون تصرفاتج كلماتج راقيه
بس من نعرس !!
نتعود
!! وما نحاتي !!
يعلى الصوت
ممكن ما نتعدل مثل قبل
بتقوللي مسؤليات
وبتقوللي ريلي تغير عليه
ودوم نقول يا زينها من اياااام
ردي انتي مثل قبل لبس وذرابه وهدوء ورقي وحترام
وبيردلج الاولي
نصيحه
للي ماعرسة للحين
لا تكسرين الحواجز بين ريلج وبينج
الي هيه حواجز الاحترام والذوق والنعومه
عامليه جنه شيخ
جنه ملك
جنه امير
شوفي كيف بيعاملج
طبعا انا الي نبهني على هالاشيء ريلي
قالي دوم تقولين تغيرت عليه حتى انتي تغيرتي
وين عسل الي جيه وجيه وجيه
فشلللللللللللني
قلت بخبر خواتي
يمكن يستفيدن من هالنقطه
لا تقولين لريلج اتغيرت عليه
حتى انتي تغيرتي
ردي شرات قبل
وبيرد شرات قبل
انا خذت كمن كلمه من ريلي كرهوني بنفسي
بس زين ما استحى وقالي عشان انتبه لنفسي
قالي حتى لبسج مب الاولي
حتى ذوقج مب الاولي
شو هذا انا خذتج على الطاري
لا عرفج ولاتعرفيني
الحين بديت اندم
حبيباتي انا مب يايه انشر غسيلي
انا يايه انبهكم
قبل لا وحده منكم
اتيها مثل الي ياني
ما احلل الي بتستخدم الي اقوله في حرام ويعلها تنفضح بين الله وخلقه
مع السلامه
والله انا وختيه نرمس تونا عن هالسالفه ان الوحده كيف كانت وكيف هي الحين
ولو بترمسينهن بيقولن مسؤوليه وعيال وشغل …الخ …
بصراحه خوفتيني لازم نتغير ونرد شرات ايام الملجه
,, قلب حمودي لا خافي حبيبتي انا ريلي مسكني وشرشحني يوم شافني اصيح قالي اكمل ولا اعرس عليج انتي اختاري وسكتي وما ابااشوف دموعج !!! بعد غلطانه ويالسه اصيح صدق قواة عين وسمعته للاخر صدق يابنات الهم حق
بقولكم انا من النوع الي
1_محافظه على نظافتي 100%
2 _ازالة شعر دوووووووووم ولا اخلي شعره فجسمي و اصلن الذراع والاندر ارم والساق والويه شالتنهم بليزر !!!
3_احط قلوس وماسكره
4_ادلع بشعري مره رفع مره ناعم مره كيرلي واكسسورس
يعني انا ماكنت اشوف عمري مقصره لكن شكلي فيالبيت دلع وطفووولي !!!!!
ماكنت احاول اعرف شو يبا تصدقون شكلي انثوي في الملجه اكثر من العرس
الحين طبعا برد شكل قبل باذن الله واحسن من لبس من كل شي
والله يعينا على الطاعه ورضى الوالدين والزوج
وربي يغنينا بحلاله عن حرامه