ليت امي تضمني ضمة دفا وحنان ..ليت ابوي يحسسني بالامان
ليت اختي تكون لي اقرب من انفاسي ..ليت اخوي يسمعني كلمه تطيب خاطري المكسور ..
وليت احس بهالدنيا وفرحتها لكن حياتي اماني واحلام ..
………………………………………….. ………………………………………….. …………
بنات ادعولي ربي يفرج همي ثاني مره انصدم بحياتي ..ثاني مره يعيشوني بحلم ثاني مره يلعبون بمشاعري ثاني مره يستغلوني والله صحيوني دم بدال الدموع …ما يفهون اني انا بنت وعندي مشاعر واحس ..يا ترى لو رحت تحت التراب بيحسون فيني …
………………………………………….. ………………………………………….. …………
ابي دعوه بظهر الغيب الله يفرج همي ويعوضني بأحسن ..لا تحرموني من هالدعوه ..لاني صدق انحرمت منها ولا سمعتها من اقرب الناس ….
اعذروني يمكن الكلام مب مرتب بس والله متضايقه ومحد حاس فيني ((عروس الاحلام))
الله يفرج همج يا اختي و يعوضج بالاحسن ان شالله
الغالية تقربي من ربج وادعي واستغفري ربج
مافي شي بهالدنيا يستاهل دموعج فديتج
حطي في بالج انه رب العالمين فوق وان الله يمهل ولا يهمل
عورتيلي قلبي يالغالية
لاتنسي ان الله معااج خلي الدنيا تولي بمافيهاا اهم شي رضى الله
اقري كتاب الله عسى ربي يريحج ويسعدج ويعطيج كل ماتتمنيه (اللهم امين)
لازم انذوق مرهاا .. لازم ننصدم بشي بس مب ننهار .. او نيأس ونفقد الامل ..
اعتبري اللي يواجهج الحين اختبار من رب العالمين .. ومهما كان همج كبير ..رب العالمين اكبر عن هالهم ..
اللهم يا مفرج هم المهمومين ..ويا كاشف كرب المكروبين ..اللهم فرج همها ..واكشف كربهاا .. ويسر امورهااا ..
اللهم عوضها خيرا ..أللهم عوضها خيرا ..اللهم عوضها خيرا ..
اللهم صل وسلم وبارك على سيدنا محمد وعلى اله وصحبه اجمعين
هذه سنة الحياه
يوم لج ويوم عليج
يوم مر ويوم حلو
يوم حزن ويوم فرح
يوم شقاء ويوم سعاده
يوم دمعه ويوم ضحكه
مابعد الصبر الا الفرج
( فإن مع العسر يسرا ، إن مع العسر يسرا )
لو تلاحظين
كتبت لج كل الاشيا السلبيه أول >> مقابلها الايجابيه
قارنيها بكلام الله سبحانه في الآيه الكريمه
بدايتها تعب ونهايتها راحه
لا يضيقُ ذرْعُكَ عند الأزَماتِ .. إن هِيَ اشتـــدّتْ فـأَمِّـل فَـرَجـَا
الله يبعد عنج الهم والحزن ويفرج كرباتج ويسر أمورج ويرزقج خيري الدنيا والآخره
اللهم آمين