عشا 5 stars اللي تبا تدلع بو الشباب ترى الدرب لقلبه بطنه معروفه ^_^ 2024.

هايات بناتات وحريمات

من مطبخ ام عبودي بنقل لكم هالطبخات ..

طبعا طبعا مب مدح بس صج الطعم عذاب اكثر عن الصور >> اقربن بذوقكم طبيخي ..

امس يقولكم دلعت بو الشباب وسويت له عشا 5 starsوقلت خل اوري اغلى ناس الخطوات للفايدة

مني فكرة ومنكم فكرة ترى تحلى الطبخة..

اممممممممممممممم

بشو ابدى لكم

السويت ولا الموالح ..

شو رايكم نبدا بالشيش طاووق ..؟

ولا محشي ورق العنب ..

لا بعكس الآية وراح ابدى حقكم بالكب كيك ..

طرشت الصورة لبنت خالتي عسب اعذبها >> كثرو من النذاله يا جماعه ..

هذه الصورة توضح لكم كل الخطوات

بدايه بخليط جاهز تتبعون كل الخطوات والمقادير المذكورة ع الباكيت > اذا ماعندج وقت سوي جي

وويفضل تصفون اكياس الكب كيك داخل صينية الكب كيك عسب ماتنفرش الكيكات ويخترب الشكل

بعدها تخبزونها بالفرن
اسال مجرب افران الكهربا وااااااايد افضل عن الغاز ..
وكل ماكانت شولتج سيراميك كل ما كان افضل بالطبخ..

نرجع للكب كيك بعد الخبز
خلطت الكريمة بالطريقه المعروفه

قسمي الكريمة وحطي بكل قسم لون طعام تفضلينه
وابدي تفنني بالتزيين ..

وشكلها النهائي هني ..

اتمنى عيبتكم

بحط طريقة المحشي الحين

تابع لاتردون ثواني

من بعد السويت الحين بحط لكم المذاق الرائع >> حامض حامض حامض بالثلاث..^_^..

شوفو معاي الصور ..

قبل عن ابدا بالمقادير والخطوات بقول لكم سر المحشي اللي يذوب بالحلج ولين ..

طلعي الورق من الغرشه وحطيه بماي حار عسب يصير لين ومايعذبج وانتي تاكلينه ..!!

الحين بقولكم المقادير ..
طماط مقطع صغار + بصل مفروم + كزبرة وشبت

نخلط هالخضرة مع بعض ونحط عليها الملح وبهارات مخلوطة ونزيد شوي الجرفة ونغرقها بزيت الزيتون ..
ونحط عليه عيش مصري مغسول عدل ..

بعدها نعصر عليه ليمونه وحده ..
عاد اسهل لكم تعصرونها بهالعصارة اليدوية بدل بالايد ..

نفرش الورقة ونحط هالخلطة ع طرفها ونلف لين الطرفة الاخير ونراعي بان العيش مايكون مبين عسب مايتبلط وهو ينطبخ ..

نقطع بطاط بالقطاعات مثل ما واضح بالصورة للدلع ..

نصفه بجدر ونصف فوقه المحشي ..

نغرقة بمرق ماجي والسر بحموضه المحشي بهالخطوة
نحط مع الماجي والماي صبار( تمر هندي) حطيت صورته للتوضيح ..

فوق نحط اي صحن بس يتحمل الحرارة عسب ماينتشل المحشي ..

نخلي من ساعه لين ساعه ونص ع النار الهادية ..

وبعدها نقدم بالطريقة اللي تعجبكم ..

وصحتين وعافية

هذه صورة لزاوية من العشا وانا اجهزة ..

لو حصلت اقبال منكم وردود تشرح الصدر بحط لكم طريقة الشيش طاووق والتبولة والمتبل ورولات الخضار اللي سويتها ..

تابعو معاي الرد التالي وشوفو معاي عزيمة بو الشباب لي من بعد العشا الفايف ستارز..^_^..

وصلني مسج باليوم الثاني >>> اليوم طبعا لان هذا طبخ امس ^_^

يقول لي بو الشباب لا تطبخين غدا نحن معزومين فبيت عمي..

لبست وتعدلت واترييته يرجع من الدوام ..

وطلعت ام عبودي >> ومعاي بنتي موزة فديتها >> شدراني عبالي بسير بيت عم بعلي ..!!

وماشوف غير وقفنا عند مطعم صدف ..

وقال لي تراني عازمج ع بوفي غدا >> احب السربرايز ..

صورت لكم صحني عسب ايوعكم ..

هذه شوربة الدياي

مقبلاتهم تعيبني ..

اكثر شي عيبني من سويتهم النمورة بالسمسم ..

ماعرف وين صورة المشاوي اختفت ..!!

عاد سوولكم عشا معتبر عسب تنعزمون شراتي

اتمنى موضوعي عيبكم

وسلامتكم خواتي

تسلم ايدج ام عبودي ..

تسلم ايدج,,

ويعطييج العاافية,,

ماصارن ثواني,,

صارن دقايق,,

خخخخخخخخخ

يله اتريا,,

تسلمين يام عبودي