عشبة الياس ولا الاس 2024.

السلام عليكم اشحالكم خواتي

بغيت اخبركم عن خلطة وااااااااااايد مفيدة وكانو يسونها يداتنا واجدادنا

واااااااااااااايد مفيدة للشعر

وهيه عبارة عن عشبة الياس او اسمها الاس

تقدرين تخلطينها مع الحنة او مع زيت او الماي وتنحط عالراس

لو استخدمتيها مع الماي عادي تحطينها على شعرج وترقدين والصبح تغسلينه

واذا مع الحنة حطيه ساعتين او ثلاث عقب غسليه

بس طبعا انا مااداني احط حنة ولا اني ارقد وشي على راسي

استخدمت الياس مع الزيت

وطبعا احسن زيت هو زيت الخروع او زيت اللوز او النارجيل ترى يمدحونهم

طبيعية ومافيها شي

وحبيباتي اذا تبون تسون الخلطة مع الزيت لازم تحطين الياس فغرشة وتصبين الزيت عليه وتخلينه لمدة 21 يوم وعقب تبدين تستخدمينه وطبعا تستخدمينه فالاسبوع مرتين او ثلاث مرات وتخلينه على شعرج ساعتين ثلاث اربع حدج لست ساعات عادي لانه مايضر

واتمنى اني افدتكم بشي

مشكورة الغاليه

يعطيج العافيه

مشكوره يا الغلا

الله يعطيج العافيه
^^

العفوووو الغالية والله يعافيج

ولا عدمنا منج هالطلة الحلوة

العفووو غناتي

والله يعافيج

يقولووووون يداتنا انه اذا بتخلين عنج هي الخلطه بيطيح الشعر …ما ادري اذا صح او لا …….يعني اذا قطعت عن الدهان هذا بيطيح شعري

والله مدري يدتي قالت لا عادي لما سالتها والله اعلم