"عصقولاات" ابغييكن في سالفة منو جربت بودرة الدكتور نيوترشن؟! 2024.

شحالكن صديقاتي العصقولاات الحلوات ؟

اتولهت علييكن من زماان ودرت التجمع لني خلاص يأست من المتن و كل ما امتن كيلو ارد انقص 2 كيلو يعني حالتي كسيفه

حاولت اقتنع بـ وزني و رشاقتي يعني اقص على عمري شويه بس الشيطان شاطر يجري مجرى دم في الانسان

المهم اليوم خطفت على محل دكتور نيوترشن عشان اشوف وزني و انصصدمت اني وصلت 41 بعد ما كنت 44 !! و اكتشفت اني في مرحلة خطييرة و لازم اتلاحق عمري قبل ما اوصل الثلاثينات و بعدين بنتحر بعق عمري من برج خليفة هههههه

لا لا صدق انا جسمي حلو و رشيقة ما شاء الله يعني امخصرره بالقو و عندي دفريشن و جسمي متناسق و مشدود شرات عارضات الازياء مب عصاقل مصاقل لول لأن طولي 154 و وزني كان 44 يعني بيرفكت بالنسبة للمقاييس العالمية (مب المقاييس الخليجية) خخخ

لكــن اللي يقهرني و يبط جبدي و يفقع مراراتي انه صدري واايد وايد صغيير يعني مافيني صدر و انا مب طماعة ابا شويه بس عن خاطريه *_*

في ذمتكم شايفين وحده ضعيفة امخصره عليها دفرريشن و ومافيها صدر ؟

و ربيعتي العكس ممسووحه من ورى ماشي خصر ولا تضاريس خلفية بس صدرها كبير .. مع ان نحن نفس الطول و الوزن ! سبحان الله ههههه

انزيين الحين ندخل في الموضوع المهم لني واايد اهذرب و انسى عمري هع

اليوم في محل دكتور نيوتريشن خبرتني الحرمة اللي تشتغل في المحل عن بودرة لزيادة الوزن تحطونها في حليب الفراولة و تشربونها مرتين فاليوم و مكوناتها طبيعية و تزيد الوزن بالتدريج و بشكل طبيعي و متناسق و يوم توصلين للوزن المثالي خلاص يثبت الوزن بس لازم تستمرين عليها فترة لانها طبيعية و مفعولها مب سريع

و قالتلي وايد بنات فالجامعة ويانا ياخذونها و نتايجها مضمونة 100% و اقل شي بتزيدين 3 كيلو فالشهر و لو تخلطين وياها عسل طبيعي و مكسرات بيكون مفعولها اقوى و اسرع

و سعر العلبة 180 بس بعد الخصم 150 درهم ..

منو جربتها ؟ و اللي جربتها تخبرنا شو نتايجها و اذا استفادت منها ولا خرريط ميمّع و تعال اتسمّع

يعني مب بس انا بروحي اللي اعاني من هالمشكلة العويصه