اشحالكم يا بنات
حبيت اراويكم مجموعه من عطوري ,,, خذتها حق عيد الفطر
واعترف اني مينونه عطور من الدرجه الاولى
اخليكم مع الصور
غرامي الاول والاخير عطر من توم فورد – توسكان لذر ما يحتاي تتدخنين ريحته عطر على عود (عود فاخر
عطر من لانكوم …. وريحته حلوه ,,, وعموما انا احب عطور لانكوم
عطر من DKNY ريحته عيبتني ,,, بس خواتي ما حبوا الريحه وشبهوا الريحه ب ADOL
عطر WHITE من اجنر خذت الرجالي لاخوي واتخبل عليه وانا خذتلي النسائي ,,, ريحته رهيبه بس عقب ما يبرد العطر
عطر CH من كارولينا هريرا اخذه للمره ال 4 وريحته ولا اروع
عطر من كريستيان بريتون ريحته وااو
عطر من فالنتينو – روك ان روز الوردي
مجموعه من عطور MIRO الالمانيه اتخبلت عليهم وما قدرت ايود ايدي عنهم لان كل عطر احلى من الثاني والاسعار ولا اروع
العطور بالتفصيل
عطور يديده تتنظر الفرج ,,,,متى برحمها مادري
ملاحظه:
عند اختيار العطور لا تحكمين عالعطر من اول مره ,,, واتريي عالريحه لين تبرد
تختلف روايح العطور من شخص ل شخص ثاني ,,, يعني الريحه اللي بتروحينها على ربيعتج بتختلف عن اللي بتروحينها عليج ,,, لاختلاف البشرات
لولا اختلاف الاراء والاذواق لبارت السلع ,,, فيه عطور حبيتها ممكن انها ما تعيبكم ,,,,
وسوالم
ذوق راااااااااااااااقي
عطر لابيرلا
افرجي عنه واستمتعيبه غناتي لانه خطييييييييييييييير
تتهنيبهم يارب
هذا رووووعة
وسوي للبقية إفراج هههههههههه حرام تخليهم
اتخلصينهم بالعافيه..
بغيت اسألج الغاليه عن عطر توم فورد موجود اهني
وبكم شريتيه؟؟